[صادق الوعد]

شي بقلبي يا محلا حايرن فيه= سي تحير ابه العقول الفهامي
مخفية بفوادي ولا ودي ابديه= وادور الخيرات شرقن وشامي
احترت به ماشفت شي يحاليه= واليوم ابنشد عنه ماني بكامي
سيل حدر مع وادي غير واديه= مدري حلال ماه والا حرامي
كانه حلال وجايزن شرب صافيه= وش حلله يا مفسرين الحلامي
هاتوا تفاصيله وهاتوا معانيه= نبي الدليل اللي عليه الكلامي
نبي دليل يفهم الدرب ماشيه = يمشي به التايه بليل الظلامي
يمشي به التايه ويقدي مواطيه= ويشرب قراح الما ليا صار ضامي
لا شك هجسي يوم خلا مماشيه= انه حرام ومنه زود الاثامي
احرم من الزقوم مره وحاليه= وشربه على الضامي يزيد الهيامي
الله من قلب همومه تقزيه = تدك به مثل الجراد التهامي
من ما جرى قامت تتله مشاحيه= تل الرشا من فوق هدف المقامي
روابع قامت تصيبه وتخطيه= شاف الهوايل واختلاف الاسامي
مايسمع الداعي اليا قام يدعيه= يعوم في بحرن من الهم طامي
ماينتبه للي بصوته يناديه= يزيد همه يوم كلن ينامي
يشوف وقت ما عرفنا تواليه= وقت يشيب من ابسن الفطامي
هذا زمانن كاثرات بلاويه= الغيم يقلب فيه عج وكتامي
يا بعد شرب الما على كبد راجيه= ماسيل الغبرا زعوج الجهامي
انبيك يا من كلمة الحق ترضيه= اعطيك ما ينفعك وافهم مرامي
قصرن يذلك لا تقابل مبانيه= خله عسى شامخ طويله هدامي
خله عسى ما صاب اغادير يفنيه= يودع منازله الطويله رجامي
لو زان مدخله وطالت حواميه= شيد على الخيبة قليل الرحامي
وحي يوريك المذله وتغليه= أنا اشهد انك ميت القلب عامي
ارفع مقامك عن عدوك وتوذيه= ويلحقك من تركت رفيقك ملامي
حق الرفيق وواجبه لا تخليه= يلزمك مثل الوالدين الحشامي
اختر عزيز الجار والحق يعطيه= شبل على هرج يقوله يحامي
مادك به عرج المذله وطاريه= يسبق على فعل الفظيله شمامي
ومن قارب الاجرب بالامراض يعديه= عدواه تسطي باللحم والعضامي
درب السلامه بيناتن مماشيه= ودرب العطب يرث عليك اللكلامي
ابعد وقلبك نازح البعد يشفيه= وتلقى عن الدار البغيضه مقامي
دارن بدار وداعي الذل عاصيه= ولا تقبل الذله نفوس الكرامي
الذل موت حايماتن ضواميه= ادخل على منزل فروض الصيامي
عن مقعد بالذل عينك تراعيه= الموت عند الذل امان وسلامي
يرضى المذله من تردت هقاويه= والذل يجفل منه قلب العصامي
والعبد له رب الناس يغنيه= ولولاه ما صاب الهدف كل رامي

الشا عر؟؟؟؟؟؟ المرحوم الامير محمد الاحمد السديري

الموضوع الأصلي: قصيده لشاعر ؟؟ الامير محمد السديري؟؟ سيل حدر | | الكاتب: صادق الوعد | | المصدر: شبكة بني عبس

[ابوصالح]

لف شكر خوي صادق الوعد على القصيده الرئعه
الشاعر الامير محمد المعرف في الجزاله والبداع
الله يعطيك العافيه شكراً لك اخي الكريم:p :p

[صادق الوعد]

؟؟؟ ابو صالح ؟؟؟
مشكور على المرور
تقبل ... احترامي

[المغرم اليائس]

محمد السديري00

شاعر من الدرجة الاولى وانا من المولعين بشعره00

قصيدة رائعة بكل ماتحمله الكلمة من معنى00

تحياتي لك

[صادق الوعد]

""""""" المغرم اليائس """"""""""

هلااااااااا وغلاااااااااااااااا


ومشكور على المرور

[جـــــروح بارده]

تسلم صادق الوعد ومجهود طيب تشكر عليه

نتمنى لك مزيد من التالق

[فيصل الرشيدي]

الف الف الف الف الف شكر اخوي صادق الوعد على نقلك لهذه القصيدة الاكثر من رائعة



شاعر مبدع بمعنى الكلمة شاعر كبير وفقيد الساحة الشعرية

رحمك الله الامير محمد الاحمد السديري

[بدر الحشية]

الف شكر لك على النقل الجميل