[خليف الوهيداني]

ارسل ويمـك ماحسبـت الرسايـل=وش كثرها وش سعرها وش عددها
وبنيت لـك مدينة(ن)كبـر حايـل=ودولة غلا وانته مؤسـس بلدهـا
وعرف معي غـلاك دايـم وطايـل=في عشرت(ن)خذيت مني سندهـا
اعلن غلاك ولا حسب قـول قايـل=وفي ماتبي اتبعـك خذهـا وزدهـا
وبالظل احطـك ونثنـي للقوايـل=قل لي بعد وش تطلبه من بعدهـا
لياذكرتـك قمـت اجـر المثـايـل=والهم والهاجوس نفسـي هجدهـا
قلبي معك والعيـن يمـك تخايـل=ماخايلت غـر المـزون ورعدهـا
وبرق وربيع وبـر رائـع وسايـل=ماصدها عـن صاحب(ن)مافقدهـا
عليك وجدي وجد من جـاه عايـل=وساقه من السرعه وعضده حصدها
او وجد من حظه على طول عايـل=عجـز حياتـه لا يحقـق سعدهـا
اوجد من شافـت عـذاب ونكايـل=ام(ن)توفـى بالحـوادث ولـدهـا
عليك ياوافـي جميـع الخصايـل=لو ماوفت نفسك علـي ابوعدهـا
تكفين يابنـت الرجـال الاصايـل=رؤفي بنفس(ن)قام يقبـل نكدهـا

الموضوع الأصلي: قلبي معك والعيـن يمـك تخايـل | | الكاتب: خليف الوهيداني | | المصدر: شبكة بني عبس

[ابواثنين]

صح للسانك اخوي خليف الوهيداني
قصيده من شاعر جزل
تقبل تحياتي وتقديري

[راعي البلها]

الشاعر خليف الوهيداني صح لسانك ولاهنت

[ابوعبدالله الشويلعي]

أخوي خليف صح لسانك


ومشكوووووووووووور









تقبلوا تحياتي أبو عبدالله الشويلعي

[بدر الحشية]

صح للسانك اخوي خليف الوهيداني
قصيده من شاعر جزل
تقبل تحياتي وتقديري

[بندر الذيابي]

صح الله لسانك


مشكور اخوي خليف علي التواصل الرائع والقصائد الممتعه


تحياتي


بندر الذيابي

[ضابط ايقاع]

صَح السانك
العين يمك

[فيصل الرشيدي]

الله الله الله الله


رااااااائعة بمعنى الكلمة

صح لسانك واعتلا شانك


على هذه القصيدة الجزلة

وتسلم يمينك على هذا الطرح بانتظار جديدك

وفقك الله