قبيلة بني رشيد - قلبي معك والعيـن يمـك تخايـل

قبيلة بني رشيد (http://ban3abs.com/aa/index.php)

- منتدى الشـــعــــر (http://ban3abs.com/aa/forumdisplay.php?f=57)

- - قلبي معك والعيـن يمـك تخايـل (http://ban3abs.com/aa/showthread.php?t=2612)

قلبي معك والعيـن يمـك تخايـل

ارسل ويمـك ماحسبـت الرسايـل=وش كثرها وش سعرها وش عددها
وبنيت لـك مدينة(ن)كبـر حايـل=ودولة غلا وانته مؤسـس بلدهـا
وعرف معي غـلاك دايـم وطايـل=في عشرت(ن)خذيت مني سندهـا
اعلن غلاك ولا حسب قـول قايـل=وفي ماتبي اتبعـك خذهـا وزدهـا
وبالظل احطـك ونثنـي للقوايـل=قل لي بعد وش تطلبه من بعدهـا
لياذكرتـك قمـت اجـر المثـايـل=والهم والهاجوس نفسـي هجدهـا
قلبي معك والعيـن يمـك تخايـل=ماخايلت غـر المـزون ورعدهـا
وبرق وربيع وبـر رائـع وسايـل=ماصدها عـن صاحب(ن)مافقدهـا
عليك وجدي وجد من جـاه عايـل=وساقه من السرعه وعضده حصدها
او وجد من حظه على طول عايـل=عجـز حياتـه لا يحقـق سعدهـا
اوجد من شافـت عـذاب ونكايـل=ام(ن)توفـى بالحـوادث ولـدهـا
عليك ياوافـي جميـع الخصايـل=لو ماوفت نفسك علـي ابوعدهـا
تكفين يابنـت الرجـال الاصايـل=رؤفي بنفس(ن)قام يقبـل نكدهـا