[فارس العازمي]

السلام عليكم ورحمة الله وبركته

يامل عين ٍ من الهوجـاس سهرانـه
والموق عيا يهـاب السهـر ويعيفـه
عين ٍ من السهـر ياجـراح مرضانـه
والليل مـا نامتـه بشتـاه وبصيفـه
سنه وعين الشقـى بالدّمـع غرقانـه
مثل البحر دمعهـا وجفونهـا سيفـه
والعيـن ماهيـب يافـراج غلطـانـه
ليـا شكـى قلبهـا فرقـا مواليـفـه
تسهر وتدمع علـى الغالـي وفقدانـه
إفراق لاهـو بكيـف ٍ لـي ولا كيفـه
على الـذي غيّـروا بيتـه وعنوانـه
من بيت أبوها لبيـت ٍ مقبـل ٍ ريفـه
راحت مع اللـي يبيهـا أم ٍ لورعانـه
وحكـم التقاليـد مايحتـاج تعريفـه
من صغرهم عارفيـن فـلان لفلانـه
على سبيـل المثـال منيـف لمنيفـه
واليوم روحي عقـب فرقـاه تعبانـه
والقلب وسطه سوات النـار واللّيفـه
ومن عقبها والسهر لي فـك بيبانـه
وحلف ورحّب وهلاّ ماسـك ٍ ضيفـه
وقلّط لي الهـم والحرمـان بألوانـه
وقمت أقدع إفراق وأشرب بعد من كيفه
واليوم أبطلب عظيم الشـان سبحانـه
يبعد هواجيس قلب ٍ صـارت مخيفـه
ويوفّق اللي غلاهـا صعـب نسيانـه
والسهر عن عين فارس ينثلم سيفـه

الموضوع الأصلي: سنه وعين الشقى بالدمع غرقانه | | الكاتب: فارس العازمي | | المصدر: شبكة بني عبس

[بركه الخياري]

صح لسانك
وأبعد الله همك

[كاتب الرشيدي]

فارس


صح لسانك


وسلمت على هالجميله

[بن قنور]

صح لسانك
وأبعد الله همك

[المشعل]

فارس

يعطيك العافيه

صح السانك

ولاهنت على الابيات الرائعه

ولاتحرمنا ابداعك وجديدك

تحياتي لك

[نايف بن شميلان]

صح لسانك وعلا شااااانك




مبدع دائماااااااا وتقبل مروري وشكري

[نواف بن مفضي]

صح الله السانك شاعر مبدع