[الراوي العبسي]

بسم الله الرحمن الرحيم
سلام الله ورحمته وبركاته عليكم ......أما بعد
صبحكم الله بالخيروالنور والسرور هذه أولى مشاركاتي فارجو أن تحوز على رضاكم
المشاركةهي:عباره عن قصيده للشاعر/إبراهيـــــم خلف الجـــــابر كتبها يوم كان ابــــوصـــــالح رئيسه فالعمل فصدر قرار بنقل ابــــو صـــــالح الشويلعي من عمله الحالي إلى مكان عمل اخر.



قصيده الجــــــابر:
[POEM="font="Simplified Arabic,5,skyblue,bold,italic" bkcolor="transparent" bkimage="./images/backgrounds/63.gif" border="none,4,gray" type=0 line=1 align=center use=sp num="0,black""]يوم اربعا بول عشر من جماده=جاني خبر كنه صواعق وزلزال
قالو عمود الشفت شالو اوتاده=ظلا مريف فوق ربعه عن اللال
الله يجازي من سعى في ابعاده=بأمراض مايلقى دواها وسلال
راح ابو صالح راح عصر القياده =شاعر حكيم وعند قوله ليا قال
عبس لهم بالطيب مبدى وعاده=صغيرهم فعله تقل فعل رجال
فيهم كرم يفوق وصفي زياده=ورث لهم منجد لاعم لاخال
ارجو السموحه عن قصور الاشاده=بولاد عبس مطوعه كل عيال[/POEM]

مرد ابوصالح الشويلعي:

[POEM="font="Simplified Arabic,5,skyblue,bold,italic" bkcolor="transparent" bkimage="./images/backgrounds/63.gif" border="none,4,gray" type=0 line=1 align=center use=sp num="0,black""]ماهي غريبه منك من روس قاده=شيوخ (فدك)اللي لهم يرجع المال
الجابر الهم بالمواقف شهاده=طيب وكرم تشهد لهم كل الاجيال
وطبع الوفاء يحتاج صبر وجلاده=وعز الخوي في عبس مضرب للامثال
وهذي يابوخالد ظروف القياده=اليوم معك مقيم والصبح رحال
وفرقا"على طيبه وعز وسعاده=حلات عمر المرء والعمر لو طال
لابد من يوم يواجه نفاده=ويهل فوقه من ثراء تربة الجال
واللي على الله حط جل اعتماده=يعيش من هم الدهر رايق البال
وربك لطيفا"مايضيع عباده=سبحانه اللي عالم كل الاحوال[/POEM]


[FRAME="11 70"]
وتقبلو تحياتــــــي:الراوي العبســـي[/FRAME]

الموضوع الأصلي: قصيده الجـــــابر ورد ابــــو صــــالح الشويلعي | | الكاتب: الراوي العبسي | | المصدر: شبكة بني عبس