يا طير ياللي بالجناحين طاير
ليتك اتسلفني جناحيك واطير
واصير بالدنيا مثل منت صاير
واعانق ادروب الفضا عنك ياطير
مير أنت وضعك غير ماصرت حاير
وإلا أنا لاضقت ماوضعي بخير
ليت الدموع اللي تسيل وعباير
ماتنسكب مع كل طاري وتفكير
اكافح الضيقة وافك الزراير
وابكي من الفرقا ابليا معاذير
ماباح صدري علته والسراير
إلا من الدنيا وحكم المقادير
كم لي وأنا أنطر من يزف البشاير
وطالت ولا عينت زف التباشير
وشحيلتي بالوقت والوقت جاير
أصعد درج والحظ ينزل اصانصير