من يرخصك بيعه مع الناس (بتراب)=لاتعترف باللي مـع النـاس باعـك
اخلق لنسيانه مع الوقـت الأسبـاب=ولاتعتبر هالأمـر قصـة ضياعـك
وإن كان قلبك عن طواريـه ماتـاب=خلك بعقلك كـان هالعقـل طاعـك
سافر مـع الأيـام لاتقفـل البـاب=وخفف بهالمعنـى علـوم إندفاعـك
اصمـد وقـاوم لاتخـوَّف وترتـاب=خلِّك قوي وانشر ببحـرك شراعـك
دوَّر على اللي يحترم درب الأحبـاب=اللي طباعه بالوفـا مـن طباعـك
لاقال يصدق مايجـي يـوم كـذَّاب=ولاقلت يِحْسِنْ بالحديـث إستماعـك
من طيبته تشتاق له كـل ماغـاب=ويشتاق لك لاعاش وقت إنقطاعـك
تلقاه بالضيقه معك خير الأصحـاب=يزعـل لضيقـك مايـدوِّر وداعـك
لأخطأ بحقك يعتـذر قبـل تنصـاب=ولأخطيت في حقَّه تحـرى دفاعـك
لامن عطى من قلب مايحسب إحساب=تلقاه قربـك لأسـود الهـم لاعـك
حلمه رضاك ويلتقي منك الإعجـاب=وهنـاه لامنـه تـوسـد ذراعــك

منقول
وسلامتكم

اقتباس من مشاركة ابوصالح (المشاركة 10471) صح السانك وعتلا شانك شكراً لك اخي الكريم

اقتباس من مشاركة عبدالعزيز الخياري (المشاركة 10476) بدر الحشيه صح لسانك وإعتـــــــلا شــــانك قصــيده جزله ولاهنت على حسن الاختيار تقبل تحيات أخوك/ عبدالعزيز الخياري

اقتباس من مشاركة ناصر الشويلعي (المشاركة 10477) قصيده رائعه في معانيها ومفرداتها صح السانك يابدر والسان قائلها..وكل عام وانت بخير