تكفون قولو لي أنا ظالمه أو مظلومه
 

أنا عندي زميله بالعمل متشاركه وياها بما يسمى القطيه أو الجمعيه وكانت لي شهر 3 وجتني تتعذر بأنها ماعندها فلوس الجمعيه وقالت لي عطيني مهله وأدبرها لج قلت مو مشكله وطاف الشهر وأنا اتصل فيها لا ترد و باخير اتصل على أهلها وبلغتهم لحاجتي الفلوس وجأبوها لي الفلوس وتفاجات أمس بأني أسلم عليها تصد وسمعت منها كلام جارح وقالت للزميلاتي إني قلت أنها حراميه وحشالله ماطلع هالكلام مني ورحت أسلم على زميلاتي اشوفهم يصدون ومتغيرين تكفون قولو لي أنا ظلمتها أو لا وهل لي الحق بأني إزعل من اللي سمعته من تشويه سمعتي أو لا وبأنتظار ردكم

أهلاً عزيزتي :
بما قرأته أنا و عرفته من كلامك أنك على حق
لم تطلبي إلا حقك ...,
و هي مو ضروري تكون كذبت عليك يمكن يكون طرف ثالث
في المشكله ...,
هي غلطانه لأنها تنقل الحكي إللي صار بينكم للغير
عاتبيها على إللي قالته ...
و حسبك ربك على إللي يشوه سمعتك ...,
أستهدي بالله و هدي أعصابك و أبتسمي :)

وينقل لـ القسم النسائي المكان المناسب حتى يكون الرد من الزميلات فقط أفضل ...,

هلا فيج
والله ماقدر اقولج انت ظالمه او مظلومه
بس لونج نطرتي عليها شوي مو احسن
بس جذب وكلام اللي ماله معنى ماله حق هذا كلام
يدل على انهم كل اللي وياج مو زميلاتج لوصج زميلاتج ويحبكم
جان اصلحو الموضوع ولا وقفو معاها ضدج المفروض يكونون
مع الحق هذا من حقج انج تطالبين بفلوسج
هذا وجهت نظري في الموضوع ولا تزعلين مني :)

مشكورة على الرد يالغاليه

مشكورة على ردج بس أنا صبرت أكثرت عليها وقدرت بس أهي الله يسامحها و انتي تعرفين القطيه التزام وأقسم بالله لو إن القطيه لها و أطوفها ماتخليني أهي ماأرحمت زميله معانا كان عندها عزا وجتها تطالبها بالقطيه واحرجتها جدام المعزيات ها قول لي وش رايج باللي سوته !؟

وأنا يااختي سيوف العزيزة ماامدح لج نفسي الله اللي يعلم بأسلوبي وطريقة تعاملي مع زميلاتي والناس بس ماأقول إلا حسبي الله ونعم الوكيل وربي يأخذ لي حقي لأني ما ظلمتها ولا خديت منها حلالها

مشكورة يالغلا والله ماصاق صدري منها بس اللي قهرني كذبها علي وابتلاها علي وفوق هذا صدود زميلاتي وتجريحهن وصرت أنا الغلطانه وسون حزب وياها ربي يزلزل حزبهن. والله الكل بالمدرسه صارو ينفرون مني حسبي الله ونعم الوكيل حسبي الله ونعم الوكيل وأنا لي معاهم 4 سنوات مإ شافو مني إلا كل الخير والمحبه

مساء الخير..


احم احم بالنسبه لموضوع القطيه ومطالبتك لها بالفلوس انتي ماقصرتي اعطيتيها فرصه وبعدها كنتي تتصلين وماكانت ترد واحيانن تكون مقفله جوالها ,,قفلت كل طرق التفاهم معاك >>يدل ان نيتها شينه ..


>>ذي ماتستاهل تفكرين فيها ..

اما بالنسبه لزميلاتك بالمدرسه واجهيهن كلهن وهي عندهن لاتخلين نفسك مظلومه بعيونهن اساليهن ليش تغيرن وش السبب ؟؟

وانتي دافعي عن نفسك .. اثبتي لهن انك اعطيتها وقت واتصالات ولكن هي ماردت وماكانت حريصه على انها تعطيك فلوسه وقولي لهن لو كنتن مكاني وش راح تسوون ..>>ذكريهن بسالفت خويتك صاحبة العزاء ..


صدقيني ماراح ترتاحين الا لما تواجهينهن خاصه ان بينكم عشره >> موهواش نقاش بينكم ..

ترا المواقف ذي ياكثر ماتصير ..

وسلامتك ..

انتي مصدقة ان هذولي صديقات اقسم بالله لونهم مصدقاتج لوجه الله ماكان من اول جذبه وسالفه سوتها وحده متخاف الله يصدقونها ويقفون معها ضدج الصديق اذا صار معج موقف يكون منصف وعادل هذولي رفيجات مصلحه وقولي سيوف ماقالت لبغت منج شيء راح تجيج وتعتذر ومن هالسوالف لصارت حاجتها عندج شوفي احمدي ربج انج مظلومه مو ظالمه انت ماسويتي شي عشان تقدين تبررين الموقف الها ولا صديقاتها

أولا : السلام عليكم ورحمة الله وبركاتة

ثانيا:/ الله يعينك على صديقة مثل هذي وأنا بهذا الشي بوقف معك وأقول انك مضلومة

لانك ماطلبتي شي حراااام ///////طيب بقولك سالفتي لأنل داخلة جمعية مع خالي ومعي وحدة من صديقاتي المفروض هذا الشهر أنا باخذها

تخيلي جتني امي (ربي يحفظها ) قالت خالك سحب لك فلوووس وضيعها مايدري فين

المهم قلت مالي دخل يجيبها الجمعية التزام وبغيت أصيح //أمزح هههههههههههه

عن جد تفدى خالي بس والله مرتبة اشياء ع اساس اجيبها من الجمعية المهم شوي الا جابها عاد لوووووووووووووو ماجابهاااااااااا ياويلة ###ماعليكم

يموووووووون خالو أصلا هو أكبر مني بكم سنة يعني ماتفرق

والله يأحساس الغلا مقلت السالفة الا علشان ألطف الجوووووووو

بس الله يعينك (حسبي الله ونعمالوكيل على الضالم)

احتسبي ياخيتي ولاتجلسين تعيدين وتزيدين في السالفه
راح تتعبين بدون فائده لان هالنوعيه ماينفع معهاكثر العتاب
ولاحتى المناقشه وكلي امرك لله وكثري من الاستغفار
وانسي السالفه وعيشي حياتك طبيعيه وخوياتك
الي مصدقينها مصيرهم يشربون من كاس شربتي منه
انا صاارلي سالفه مع تؤم روحي صديقه كانت بالنسبه
لي اخت حتى صداقتنا اشتهرت بشكل غيرطبيعي
في المحيط الي عايشيين فيه وسوت فيي مقلب
مع عدوتي وكان الموقف اكبربكثير من موقف صديقتك
بس عشت حياتي وتجاهلتها وكل اللي كنت اقوله حسبي الله
ونعم الوكيل وقسم بالله العلي العظيم مامرسنه الاوربي
ناصرني واخذلي حقي منها

تسلمين يادمعه وجزاج الله خير الجزاء مشكلتي إني مااعرف اختار الصديقه يأما أنصدمت صديقات كثير أنا عيبي طيبه وعلى نيأتي أقسم بالله ما أشيل على أحد أو أحقد أو خبيثه وربي طيبه لأبعد الحدود بس ألحمدالله يكفيني محبه الناس واحترام طالباتي بس مااقول إلا حسبي الله ونعم الوكيل

لاتندمين على طيبتك ولاتندمين على شي زين
سويتيه حتى لوقابلوك بالعكس اقل شي احساسك
بأنك ماظلمتي احد هذا بحد ذاته يعطيك قوه وفتخار
تجاهلي كل الي ظلموك وعيشي من جديد
وجربي صداقه جديده بس كوني اكثرركاده ووعي
وحتى لوخسرتي مافيه مشكله درس جديد
ومعلومه جديده وخبره في الحياه راح بالعكس تعطيك
قوه اكثروتحمل وصبر جربي كلامي وماراح تندمين

انتي ماغلطتي طلبتي حقك منها وصدقيني مصير الحق يرجع الى اصحاب ولاتزعلي نفسك على ناس ماتستاهل

صراحه تقهر والجمعيه معروفه الاتزام بس الي يقهر الكذب والظلم بس انا اقول اشطفيها ولا تعبرينها بس برري موقفك قدام زميلاتك واجهيها قدامهن وخليها تحلف انك قايله هالكلام واذا حلفت بالاكذب ربك يكفيك فيها
والمثل يقول طنش تعش تنتعش وانتي طنشيها صدقيني راح ترجع وتعتذرلك

اسمعي وانا اختك خليها عنك
هذي ماتستاهل تفكرين فيها
طنشيها وماعليك منها
واحساس انك مظلومة احسن من انك تكوني ظالمة....

السلام عليكم جزاكم الخير على ردودكم الطيبه سلمت أياديكم وسلمها الله من النار « بخصوص هالأنسانه حاولت بكل الطرق بأني أواجها ولم أحصل إلا التهرب منها والصدود وكلمت مدرسات ملتزمات دينيه وحاولو أن يصلحو ما بينا ولم يستطيعو وبالاخير بلغوني بأنها انسانه حاقده اتركيها وتحسبي لله عليها وحسبي الله والنعم الوكيل والله يسامحها