يهب ياشين الفراق وطواريه=عزالله اني مارجيت ورجيته
فرقا وليف الروح ماني بقاويه=عزالله اني ياخلف ماقويته
عطني من الدخان ياخوك عطنيه=عطني زقاره لين يقضي بكيته
ماني بناسي ذاك الانسان ياهيه=ماذكر نهارن مر في ونسيته
ياما تحملت العنا والمشاريه=وياكثر ناسن بعتهم واشتريته
وياما عن الزلات قلبي يداريه=واعطيته اللي للبشر ماعطيته
ياخوك قلبي ياخلف مغرمن فيه=كم مرتن لاراح واقفا بكيته
ياحول في قلبي ليا حل طاريه=غنيت له كل اللحون ورجيته
أسهر واعيد أيام حبه وماضيه=والليل لو انه طويل(ن) سريته
في ناظري ماكل شخص(ن)يساويه=باالعين منزاله وبالقلب بيته
يعني على هالحال ماني بناسيه=ولو طالت المده حشا مانسيته

الشاعر/مرشد الصقعان