[بدر نوران]

::

::

السلام عليكم ورحمة الله وبركاته


البنتـ .. والشايبـ .. والفكسار ...



[POEM="font="Simplified Arabic,4,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]تقود شايبها على جيب فكسار=تصرف وتسحب والشويب معاهاااا
ناداني الشايب وانا منه محتار=شفت الجمال اللي عيوني عماهااا
قال منك خدمه قلت آمر وبصرار=لازم أخدم اللي عيوني شقاهاااا
خدمتهم والهرج مع شايبه دار=وقمت اتمتع بالعيون وحلاهاااا
جميلتن كن الحسن عندها أحتار=سبحان رب ٍ بالحلا هو عطاهاااا
تمشي وهي تمشي تخطر تخطار=عزالله أن الزين جاها وشراهاااا
راحت ولا تدري عن القلب وش صار=غرو ٍ جلا عني السعاده جلاهاااا
بالحب في قلبي له أنهار وانهار=حتى قصور الحب بقلبي بناهاااا
عزالله انه نووور حياتي تنوار=وتمكن عيوني غلاهاا وسطاهاااا
لجله ترى بكتب من الشعر أشعار=وأفضفض لقلب ٍ بحبه نواهاااا[/POEM]


شعر / بدر نوران الرشيدي / الوافي


وكان هذا التعليق من الشاعر الرائع /

ناصر خنيفر البراك


[POEM="font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]يابدر يالوافي ياويلك من النار= عملت حسنه والمغازل محاها
الله ومر عبده على غض الابصار= في محكم الايات كلن قراها
ونته عيونك بيمن العود ويسار= اليا غفل قطيت كلمه علاها
وتمشي وراهم تقل مذهب ودوار =اليادخلت شارع دخلته معاها
مير النتيجه عودت عشرت اصفار= راحت سلم وهو رجع مارماها
في حال الوم وحال راجعت الافكار= راع المحبه غلط رجلن شناها
في مثل ماقف بدر لي ماقفن صار= قدام تاصل خطوتي منتهاها
يوم الشباب ويوم زمات الاعمار= طربت نفسي لين لحقت هواها
اسج رجلي من ورى ظبي الابرار= مع عبلتن ماغير يقدح حصاها[/POEM]

شعر / ناصر خنيفر

صح لساانه وبيض الله وجهه



===============


اتمنى ان تنال على رضاكم



الوافي


.

[مبارك الشويلع]

صح لسانك يالوافي

جزله من راس واافي


[POEM="font="Simplified Arabic,4,black,normal,normal" bkcolor="transparent" bkimage="" border="groove,6,gray" type=1 line=0 align=center use=ex num="0,black""]الله ومر عبده على غض الابصار=في محكم الايـات كلـن قراهـا[/POEM]

الله الله

وصح لسان العم ابوتركي

على الرد الطيب


ولاهنتووو


ننتظر جديدكم الجزل المفيد


وتقبلووووو فاااااااااااائق احترامي وتقديري

[أنكسارحلم]

هههههههههههههههه

انت يابو نوران تبي كل شئ بحقه
لكن العمده خرب الطبخه في المجاراه .
يقول العمده من ضمن قصيده طويله اذكر منها هذا البيت

العجوز مهستره والعود خارب==ولو يداويهم طبيباً ضاع طبه

على العموم صح السانك والسان ابو تركي ناصر خنيفر

تحياتي

[الاجهر]

يابدر يالوافي ياويلك مـن النـار

[بدر نوران]

لاهنتم على المرور

تحيتي لكم


وصحت ابدانكم


الوافي

[بندر الذيابي]

صح الله لسانك ولسان شاعرنا ابو تركي


مشكور بدر علي الموافاه


تقبل شكري



بندر الذيابي

[ناصر خنيفر]

بدر مشكور على التنسيق وبيض الله وجهك
ناصر الشويلعي
من قائل هذا البيت

استرح يابو تركي وش تبا بالقرايد= انت راعي قوايم ثالثتهن عصاته

هههههههههههههههههههه

[بدر نوران]

اقتباس من مشاركة بندر الذيابي صح الله لسانك ولسان شاعرنا ابو تركي مشكور بدر علي الموافاه تقبل شكري بندر الذيابي

بندر الذيابي


اشكرك على مرورك الاكثر من رائع


أخوكـ


الوافي