[ابن اخزيم]

السلام عليكم ورحمة الله وبركاته

ياهل الشعر ويامتذوقين الابيات الجميله
وش رايكم بالقصيده هذي ؟؟؟؟؟؟


واقلبي اللي عصر عيـد الفطـر جـظ=جظـه يتيـم لايـع البـيـن لاعــه
تـوه صغيـر وللمشـاكـل تـعـرض=امـه توفـت قبـل يكمـل رضـاعـه
ميتـم وغيـر اليتـم ماحلفـه حــظ=يبكـي ويمسـح دمعتـه فـي ذراعـه
وتولته عوبـاء تكـض الغضـب كـظ=توريـه نظـرات الجفـاء والقطاعـه
من اللي عسى فالاخـره مالهـن حـظ=حـدب الظهـور مضيعـات الوداعـه
ووجدي وجود اللي بدى الرجم وانقض=ذكر عليـه الرجـم فرقـاء الجماعـه
عـدى مريـح ومـال مـن متهيـض=يشعر بضيـم ومنتحـي عـن رباعـه
وضامه عـدون لـه عليـه متغـرض=وهوه وحيـد ولا معـه لـو سراعـه
وعض النقود من الزعل والغضب عض=ومـن الزهايـد غالـي الـروح باعـه
ويالجتـي لـجـه قطـيـع تـعـرض=ملهـاب قيـظ ومبطـي فـي ضياعـه
ومـال علـى عـد ليـا ورده نفـض=علـى معاطينـه تـعـاوى سبـاعـه
وداجن ولاجن والظماء شظهـن شـظ=ومـن اللهابــه نـاحـرن للعـاعـه
عليـك يازيـن التواصيـف يـاغـض=ياخالطـن باهـه الجـمـال بـدلاعـه
يابـو جديـل فـوق ردفـه ينـقـض=يشبـه حريـر مسـو قيـن البضاعـه
شقرن على هاك الردايـف ليـا قـض=يـزداد بـه قلـب المولـه ولاعــه

[آلنجم]

تسلم يابن خزيم لاعدمناجديدك

[الـريـم]

ابيات رائعه
صح لسانك .. ولا عدمناك

[سعد محمد]

صح لسانك

قصيده رآئعه

لاهنت

[سعيد بن سعود]

ابن خزيم : صح السانك قصيدة جزله من شاعر جزل تحمل مفردات للغوية ثقافية رائعة من الماضي والحاضر
مثل هذه القصيدة يستفيد منها الشعراء وخاصة الشباب ...
المفردات أو الكلمات : سراعه....للعاعه....شظ
ملاحظه : ربما يكون خطأ إملائي في صدر البيت 7
عدى مريح ومال من متهيض
عدى مريح ومال منه متهيض
شكرا لك على هذه القصيدة للجزله
تقبل شكري وتقديري

[ابن اخزيم]

اقتباس من مشاركة آلنجم تسلم يابن خزيم لاعدمناجديدك

الله يسلمك من كل شر
النجم

ومرورك يشرفني طال عمرك

[ابن اخزيم]

اقتباس من مشاركة الـريـم ابيات رائعه صح لسانك .. ولا عدمناك

تسلمين يالريم
ولاعدمنا طلتك الحلوة

[ابن اخزيم]

اقتباس من مشاركة سعد محمد صح لسانك قصيده رآئعه لاهنت

صح بدنك
سعد محمد
ونورت صفحتي