[حفيد رشيد]

ويلاه من هاالهوى هذا ومن هاالغرام=يلوحني مثل لوح العاصفه للجريد



كبرت كبر الشقا فيني وزاد الهيام=طنشت.قام اشتياقي في خفوقي يزيد




مل الجفا خافقي. حل.الوفا واستقام=نزلت حي الطعون ولاطرالي شديد




جاورت شيخ الشقا وازعلت ريف الوئام=من يوم الاحباب صار قلوبها من حديد




صفعت وجه السهر واطرفت عين المنام=إيقضت غفوه وقام الطرف ينزف صديد




بلشت بلشت هل التلعه وطال الخصام=واستقزم الصلح واستفحل عناد العنيد




لو ماتداركت من سمحه شعفت السنام=اقفا قبل مايقول انت الرديف الجديد




قلت ايه وانت الكرامه في بطون اللئام=وانا احسب انك على صكات بقعا عضيد




قال انت حضك ليا شديت يرخي الحزام=ماكنه الا فشق بندق ورماي صيد




قلت ايه انا عشت ضد وعاش ضدي مرام=يطمع بي الديش ماعمري طمعت الزهيد




اصارع الوقت واغني لسرب الحمام=حزين غربه ودمي جف وسط الوريد




انعى سرور الطفوله قبل عشرين عام=كنت احسب اني شقي واثرني اكبر سعيد




قال ارفع الصوت قلت ابشر بجود الكرام=وغنيت له شوق واسمعت الحضورالقصيد




طوعت له روس عسرات المعاني حشام=وحطيت له روس عسرات المعاني عبيد


الشاعر / عبيد الداموك الرشيدي

[ابوصالح لرشيدي]

صح السان الشاعر الكبير عبيد ابن داموك وبيض الله وجه على القصيده الاكثر من رئعه ..
تحياتي لك ياحد الرهيف ومشكور على نقلها ..

[النقيشى]

صح الله السان الشاعرقصيده روعه ومن اجزل ماسمعت

[الـريـم]

صح لسان شاعرها
وتسلم يمينك ع النقل

[تعبت منك]

صح لسان شاعرها
ومشكور على نقلها ..يا الرهيف

[عايض حماد بن عريجه]

يعطيك العافية

[الوعد]

مشكوووووور والله يعطيك الف عافيه