[السااااامر]

قصيدة الشاعر الكبير عوض خيران ورد فوزان بن مربح

قصيدة الشاعر المخضرم الكبير عوض خيران العازمي الرشيدي الموجهه الى صديقه الشاعر فوزان عوض بن مربح الرشيدي

قبل امس وامس وثالث ايامي اليوم= وانا لك الله ماتغير محلي
في بيت ابو حامد ويكرم عن اللوم = قمة جبل شامخ وضله يضلي
ودنياك كم فيها زحازيح ورخوم= وفيها بعد ثيران ياطير ياللي
ودنياك لياحامت على راسك الحوم = تكره حلاها لو حلاها يحلي
فيها الضعيف اللي جفت عينه النوم= وفيها العفون اللي عساها تولي
ان ادبرت ما تجيبها حبة خشوم = وان اقبلت ترعد عليك وتهلي

رد الشاعر فوزان عوض الرشيدي على اخيه وصديقه الشاعر الكبير عوض خيران الرشيدي



عافاك عن مايودع الصدر مهموم= وهلا كثر مانت برفيقك تهلي
دنياك ما تصعب على طيب عزوم = والدلو يشرب ماه غير المدلي
لو هي كذا ماينقل الصقر للحوم= ولا صيره ريش الجناح متعلي
والادمي وضعه مقدر ومقسوم = ياويش اباخذ من زماني واخلي
سهوم تخطيبه وتمضيبه سهوم = ان جازلك ولا ماهو بجايزلي
دامنها ترخص على الطيب السوم = اكيد ترخص محتمين المتلي
وغلة رخيص وناصرة كل مهزوم= وضاقت على كل ابلجن مسفهلي
منبر هل الخطبة ومزبان مضيوم = ونجمٍ بمرصاد النجوم متعلي
والعازمي لا ضاق ماهو بمزحوم= ربعه سيوفٍ باللوازم تسلي
وان سرني في ماي كنه فلا الوم = لانه يجللني بدقي وجلي
ولا هو حقيقه تصنع الناس معدوم= وقت قساه يجوز فيه التخلي
وانا لو اني لا تعذرت ما هوم= والوم نفسي ماتفييت ظلي
ولااقلط الكرمه من الحيل والكوم = وفتحت بابٍ بالشدايد يدلي
حزم وراه حزوم من دونه حزوم = وكل ٍ ليا واق النبا يستقلي

[ابن اخزيم]

صح لسان ابن خيران وابن عووووض فوزان

تسلم عل النقل يالسامر

[عيد الداموك]

الله واكبر ياالشاعر عوض خيران العازمي الرشيدي
ان ادبرت ما تجيبها حبة خشوم = وان اقبلت ترعد عليك وتهلي



والابداع كذلك من الشاعر /فوزان عوض الرشيدي

ولا هو حقيقه تصنع الناس معدوم= وقت قساه يجوز فيه التخلي



السامر شكراً ع النقل وتستاهل ختم التميز

[سعد بن عادي]

صوت وصدى للشعراء عمالقة
شكرا لك على النقل .
ودمتم كما تحبون

[ناصر الرشيدي]

صح لسان الشاعرين
تسلم على النقل

[تعبت منك]

صح لسان ابن خيران وابن عووووض فوزان

تسلم عل النقل يالسامر

[سحايب]

الله الله ابدعو الشعراء
صحت السنتهم
وسلمت يمناك على النقل

[السااااامر]

ابن خزيم صح بدنك ومشكور على تواجدك