[عبدالعزيز الخياري]

هذه القصيدة مرثية الشاعر ذيب الشمري في الفقيد نواف العازمي الله يرحمه ويسكنه فسيح جناته

[POEM="font="Simplified Arabic,5,black,bold,normal" bkcolor="white" bkimage="" border="inset,4,indigo" type=2 line=1 align=center use=sp num="0,black""]كن الخبر رمحٍ تخلل ضلوعي=رمح الفراق اللي للاعمار قصّاف
صحيح ماهو واحدٍ من ربوعي=مير الوفا فوق الطوايف والاطياف
شقيق فكري في بداية طلوعي=اخوي في حكم العوايد والاعراف
بين الصفوف الحاميه والجموعي=ياما لنا في ساحة الشعر ميقاف
بالقاف يضربني على راس كوعي=واضربه مابين الحجاجين بالقاف
على الشرف ندفع سلاح الدروعي=من شان تعزيز المواقع والاهداف
في علم ترويض الاسود الهجوعي=في ساحته صرنا مروّض وعساّف
حتى بدت تمشي بطوعه وطوعي=والسبع راقي بالتعامل ليا خاف
واصبح حليفي بأتحاد الفزوعي=يوم الزمان اصبح مجاميع واحلاف
من سنة الرحمن ماني جزوعي=لكن معي قلبٍ من الود شفاف
حفظ الصداقه من جواهر طبوعي=اموج بالذكرى شراعٍ ومجداف
ادفع ضرايبها ولاني منوعي=مااظمها في خاطري شكل وغلاف
عليه من جوع الغلا زاد جوعي=ماهو مثل جوع البهايم للاعلاف
جفت ينابيعي ويبْست زروعي=عشرة عمر نسيانها ظلم واجحاف
وفي حين صلينا عليه بخشوعي=وحطوه في قبرٍ فصال اربع اطواف
اقفوا وانا عنده تذارف دموعي=اخر رجل واقف على قبر نواف
يامن لحكمك معلنين الخضوعي=انت الكريم وتكرم الضيف لا ضاف
عبدك وضيفك في مقامٍ يروعي=عن رحمتْك ماله وساطات واسعاف
يالله لاتحصي عليه الوقوعي=في ما نهيت.. وشفت والغير ماشاف[/POEM]

الشاعر : ذيب الشمري



صورة تجمع الشاعر ذيب الشمري مع الفقيد

[سعــدعبدالعزيز]

الله يرحم نواف الرحمه الواسعه
هذي حال الدنيا
واللي يقيم اليوم رحل باكر
راعي الشداد وراعي المسام
وذيب الشمري نعم الصديق الوافي

[بحــ الخليج ــر]

اشكرك جزيل الشكر اخي العزيز عبدالعزيز الخياري على نقل هذه القصيده الرائعه ذيب الشمري قادر على الابداع ونواف يستاهل رحمة الله عليه

[احمد فالح الخياري]

مشكور اخوي عبد العزيز لاهنت

[عبدالباري عبدالعزيز]

صح لسان الشاعر ذيب الشمري
ورحم الله الشاعر نواف

[مبارك الشويلع]

الله اكبر

مرثيه صادقه من قلب صادق

رحم الله

الشاعر نواف العازمي

وغفر له

وصح لسان شاعرها الرائع

ذيب الشمري

على هذه القصيده الوافيه

ولاهنت يابن العم

على هذا النقل الوافي

وبيض الله وجهك

ننتظر جديدك الجزل المفيد

وفقكم الله

[ابواثنين]

رحم الله

الشاعر نواف العازمي

وغفر له

وصح لسان شاعرها الرائع

ذيب الشمري

[عبد العزيز]

الله يرحم الفقيد نواف
وصح لسان الشاعر ذيب الشمري