[الشمال الشرقي]

ا

أوصيك في حسن التعامـل ولاخـلاق

ادى الحقوق وبعدها تطلـب احقـوق

وختار من زين المواضيـع مـا لاق

وليا نطقت اختار لك خيـر منطـوق

واصبر على ما صار لو الصدر ضاق

الصبر زين وكـل مطـرود ملحـوق

صحيح نوب تشوف شي" ما ينطـاق

والمشكل ان كانت من اعز مخلـوق

اذا سكت امصيبـت" تحـرق احـراق

وان قلت زت احراق واصبحت محروق

لاكـن لاداعـي لتكشـيـف الاوراق

استر وخل السر في وسـط صنـدوق

والله هـو المعبـو د جيـاب الارزاق

اليا نـواء يـرزك ماعايقـه عـوق

واعرف تراها تختلـف كـل الاذواق

ولاكل مخلـوق" يعوضـك بمخلـوق

وذا شريت وبعت في وسط الاسـواق

خلك حذر لا يغشك اشريطى السـوق

ون شفت لك ياصاحب العرب بـراق

لاتندفـع وأسبابهـا لمعـت ابـروق

والبيت مايصلـح بـلا طنـب ورواق

الطنب له تثبيـت والستـر بالـروق

[مروان الرشيدي]

مشكور اخوي على القصيده الوافيه وتسلم يمينك
:
:

ولاكن القصيده ليس مكانها الصحيح هنا


القصيده في منتدى القائد توضع به

:
:
تحياتي

[نبيل العرعري]

مشكور على القصيده الرائعه وصح لسانك

[احمد سبيتان]

صح لسان الشاعرمعتق ابراهيم الخياري
وبيض الله وجهه على القصيده الرائعه

[برق الوسم]

صح لسان الشاعر معتق ابراهيم الخياري
شاعر غني عن التعريف
والقصيده رائعه تسلم يالشمال الشرقي على نقلها
واسمح لي بنقلها بالمكان المناسب هنا..
تقبل مروري

[بدر بن محمد]

صح اللساااااااااااااان الشااااعر معتق الخياري
ومشكوررررررر على النقل الرااااائع
ودمتم بالف خيررررر

[سالم المظيبري]

مشكور على القصيده الرائعه وصح لسانك

[حب الغموض]

يديك الف الف عافيه