قبيلة بني رشيد - عرض مشاركة مفردة

بنت النور

انا الصديق اللي ليا  طحت شالك 
لاضامتك دنياك والوقت  بك مال

 انا يمينك شدني في  شمالك 
يمنى بلا يسرى ترى  حالها حال

 انا عزاك وعزوتك لا جرى لك
 من تاعس الدنيا هواجيس واهوال

 ماني من اللي لا أغتنى  ما وفالك 
لو لك عليه من الجمايل  والأفضال 

وماني خويك كان وقتك  صفالك 
أنا خويك لا ادبرت فيك الأحوال 

خذني عصآ موسى إذا كنت هالك 
أمسح لك بحور القهر قول وأفعال 

بالك يجي في خاطرك  يوم بالك 
أنك تغيب ولاتجي لي  على بال

 لالا تفكر أنت في مثل  ذلك
 إن اتخلى عنك لو الزمن  طال 

ما أقول انا ياعم مالي  و مالك
ماترخص العشره ولا  تغني اموال 

اسمع جوابي قبل ما أسمع جوابك 
خارج حدود التغطيه  وأرسل ارسال

 على محيط السالفه حط  بالك 
اجيك رجلي كان ماجيت  خيال

 انا ليا شح الزمن في  وصالك 
تمدني النخوه على وصلك حبال 

أنا عمى عين العدو لا نوى لك 
أنول روحه قبل ماروحك  تنال 

بينك وبين الشمس  شجرة ضلالك 
ما للشجر قيمه إذا ماله  ظلال 

والليل لو الليل مظلم وحالك 
ترسمني الظلما على صدره هلال 

ماني بنت عمك لا ولا أغلى عيالك
 خطوة الخوي تسوى  بني عم وعيال