يالله يارب المخالـيق نـدعيك
إنك تهونهـا على كـل مشتـاق
ياللي طلبتك يوم محد يساويك
وبقدرتـك تبرى كثيـرات لعواق
يامرحبـا يالـي عزيز وتغليـك
عدالشجر واعداد مالاح بـــراق
من بعد شكواك استمع لي بوصيـك
من واقـع عشتـه سـبب وصل فراق
ياصاحبي فـ الحـب عسر وتهاليك
مافاد فيه الصبر والقلب ما طاق
بـوصيـك باللـي مخلـص وشـاريـك
اللـي حياتـه كلـه طـيب واخـلاق
في الضيق والشدات ماهو يخليـك
ولـه قـلب في حبك وليع وخفـاق
وابعـد عن اللي بالمحبه يراويك
يعطيك حلو الكلام في كذب وانفاق
ولا تتبع المنافقين يازين بوصيك
حتى لو قلبـك من الـشوق حـرااق
يغريـك في حبه الي حين يبليـك
ويبيـع حبك يالـغلا بيع لـسواق
وهذا جواب اللي يعـزك ويغليـك
معانـي منخافـي الـصدر تنسـاق
واختامها يالله عسى القول يرضيك
والعذره ان كان في معانيه مالاق