[المجبور]

السلام عليكم ورحمة الله وبركاته
كيفكم اخواني وأخواتي
هذي أبيات غزليه وليدة هذه اللحظه
أحببت ان يكون نفسها الأول بين أيديكم
وكلي امل أن ترتقي لأذواقكم الرفيعة المستوى


[poem=font="arial,6,green,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]
يامدور(ن) حبي وأنا كلك أبيك=ناديت وأنا خابر الصوت ماجاك
ناديت لك وأقفيت وأنا أناديك=ليتك سمعت القلب يوم إنه ناداك
حاولت والله بعد غيبتك أرثيك=وكل ماكتبت الشعر شفته تمناك
ياليت لي حيله قبل ترحل أثنيك=عن الفراق اللي ذبحني وعنّاك
تعال وأنسى الكون كله وأنسّيك=أيام راحت بين بعدك ولقياك
تعال أبحكي لك عن اللي يوريك=وشلون سوّا الشوق من بعد جفواك
كرهت كل الخلق إلا معاليك=لأن الهوى فوق المخاليق علاّك
وأغليت كل اللي يمرك وياتيك=وياتي على لسانه طوارف حكاياك
كتبتك بحرفي وكل يوم أغنيك=وأدري ماتدري عن خفوق(ن) تغنّاك
أهواك رغم اللي يبوني أخليك=وأدري تبيني رغم من قال ينساك
دام المحبه صادقه يوم تلفيك=وأنته شريت وطاب قلبي بمشراك
مازاد بي هرج الملا إلا ثقه فيك=ولا زادني إلا تمسّك بيمناك
ياللي تدورني وأنا ميّت أبيك=ناديتك بفرقاك والصوت ماجاك
[/poem]

كلمات / سهل البحان
المجبور