[عبدالله بن حجّاج]

[poem=font="simplified arabic,6,black,normal,normal" bkcolor="transparent" bkimage="" border="ridge,4,gray" type=2 line=1 align=center use=ex num="0,black""]
قال الوداع وقلت لحظة ثواني = إن كنت أنا غلطان قلّي وأراضيك
قلت وعيوني وضحت لك معاني = غلاك عندي واضح ٍ دون تشكيك
أصبح غيابك جرح منّه أعاني = أصبح هجوس الفكر مني يخاويك
جيش الحزن من غبت عني غزاني = هل من صحيح اللي يقولون ( ناسيك ) ؟
صحيح أنا مرّات طبعي أناني = أغار من ورد ٍسقيته بأياديك
ياما على دنياك شوقي خذاني = من صادق الإحساس عطني وأنا أعطيك
كلي وله كلي شعور وحناني = تأثير بُعدك واضح بحال مغليك
مازال في صدري تموج الأماني = ياليت من ثاني تجيني وأنا أجيك
شهور مرت في عددها ثماني = شهور وأصوات القوافي تناديك
فينا العواذل ينقلون التهاني = لاتشمّت العذّال فيني ولا فيك






[/poem]

الموضوع الأصلي: قال الوداع | | الكاتب: عبدالله بن حجّاج | | المصدر: شبكة بني عبس