[مرآهيش]

[poem=font="simplified arabic,5,blue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
مرحبا والبن بني والقناد قنادي=مرحبا يا اكمل بشر في دنيتي بأكملها
من عشقتك قمت اشوف ان كل مذهل ، عادي=لو تقول انسج خيوط الشمس قلت ازهلها
إيه عايدني ليا شفتك يا اعز اعيادي=( عيدك مبارك ) ليا مريت قلبي ، قلها
وقل لحسادك تجي وتروح مع حسادي=تنشغل عنا ، لا تشغلنا ولا نشغلها
اقطف النسرين والنرجس وغيض الكادي=الورود تضيق لا جيت ويغار اجملها
واترك همومك معي يا موتي وميلادي=خلها في صدري من آخفها لـاثقلها
لاني احبك ولامن غبت قمت انادي=كل يوم وكل ليله معك ، واغازلها
وكان ماصدقتني يا غايتي ومرادي !=اسال عيوني ، ولا جيت الضلوع ، اسالها
شوف كم مره حزنت ، وكم حداني حادي=وشوف كم فكرة قصيده مقدر اكملها !

[/poem]