[الاجهر]

يــا صـغـيّــر مــا يـكـبـرنــي لـقــب
ومـا يـصـغـرنـي إذا انـكـرنـي صـغـيــر


مـا خـذيـنـا الـصـيـت مـن جـمـع الـذهـب
ولا نـسـابــة شـيــخ او قـربــة امـيــر


كـاسـبـيـنـه مـن هـل الـسـيـف الـحــدب
الـجـنايــز كــان مــا جـــاك الـنــذيــر


صـيـتـهـم نـجـم ٍ عـلـى رأســه لـهــب
سمـعـوا الـصـقـهـان بـه واجـهـر ضـريــر


بـالـوفـا تـاريــخ أبـيــض يـنـتـصــب
لا حـكـوا بـالـحـق حـيـيــن الـضـمـيــر


ضـيـغـمـيـن لـلـسـنـاعـيـس انـتـسـب
لابــةٍ طـلـنــا بـهــا عــرش كـبـيــر


عـنـد حــدك يــا كـثـيـر الـهــرج تــب
لا تـمــر الــنــار وثـيــابــك حــريــر


كــان لــك عــز بــذلــي فـتـعــقــب
الله ألا تـبــطــي وحـبــلــك قـصــيــر


احـسـبـنــك مــن صـنـاديــد الــعــرب
اثـر سـاتـرتــك عـبـاتــك يــا غـريــر


مـا حـســب لـلـســوس زراع الـقـصــب
الـقــراده مــا درى عـنـهــا الـبـعـيــر


ولـو حـسـبـنـا لـلـحـسـايـف والـتـعـب
ما بـذرنـا يـا الـعـصـافـيــر الـشـعـيــر


عـن هـلـلـك ابــراي لـلــه واحـتـســب
لـرجــال الـلــي مـجـاراهــم عـســيــر


مـن قـريـش الـمـصـطـفــى وابـولـهــب
الـدغـالـب مـا غـشــت عــذب الـغـديــر


لـلـرجـال مــن الـرجـاجـيــل الـعـتــب
الـزكــاة تـحــل فــي حــال الـفـقـيــر


لـعـنـبــو وقــتٍ غـديـنـابــه حـطــب
تحــرقــه نـــار يـثــورهــا اجــيـــر


مـا ألـومــك والـزمــن ســوى الـعـجــب
هو بـقـى غـيـر الـكـرامــه بـالـجـفـيــر


مـــا أذل وراســـي يــشــم الـمــهــب
لو بـقــى مــن شـمــر طـفــلٍ غـريــر


مــا اهــاب ولا يـزلـزلــنــي غــضــب
لـشـجــاعــه ورث الـعــاقــل غــزيــر


يـا صـغـيـر مـا يـكـبّــر بـالـلـقـلــب
غير مـن هــو كــان مــن دونــه صـغـيــر

الأمير / طلال الرشيد