بـسـم اللـه الـرحمـن الـرحيـم
قال الذي وان جهل معناه فسر
فسر معاني كلمته باللباقه
مانيب في رد الجواب اتعسر
مالي مع احد بالتعسير علاقه
أبني من أمثالي رصيف مجسر
من لا تحذر منه بثر بساقه
وأضمن كلامي كان مولاي يسر
عن الهجا بالناس ولا الطفاقه
جيل مثل طلع النخل حيث بسر
اليا انتصف بامه تحلا مذاقه
الله من قلب غرامه تحسر
من فقدة أيام عليهن شفاقه
خطر ضلوعه من نهيته تكسر
تكسر أغصان الهشيم الدقاقه
أشوف ناس بالسوالف تجسر
على تعاجيب الفتاة الدقاقه
لو هو كبير السن والجسم مسر
والوجه بان من المشيب احتراقه
يبي مثل فرخ نقوره ينسر
من جوف خرب صلف الاطلاع عاقه
تالي الصبا مثل الحويض الموسر
وسره ضعيف ودرعت فيه ناقه
العاقل اللي يفهم الضرو السر
ولا يرتكب عسر المراقي عشاقه
لا شفت مالك مصلحة لا تخسر
ان كان مالك بالخسارة لياقه
الشاعر ,,,,,,,,, مرشد البذال
أخوكم
ذيـاب الذيابــي
