بـسـم اللـه الـرحمـن الـرحيـم
قبل أسافر وتنسى جيت أسلم عليك
جيت أبي عمري اللي اكتشفته غدى
ضاعت اجمل سنيني من عمايل يديك
أكذب ان قلت راحت لجل عينك فدى
فرصة العمر قالوا لا غدت ما تجيك
جتني أكثر فرص عمري وضاعت سدى
جرب الخوف مره حس به يعتليك
وأرفع الصوت ما تسمع لصوتك صدى
تدري اللي ذبحني قولتك ماأبيك
ما بقالي لثاري لو بغيته مدى
هاك دمعة عيون باكيه تشتكيك
هاك ريح ضمير ما أستراح وهدى
ما هقيت المشاعر كلها ترتجيك
قلها بالمفارق منهو اللي بدى
ما تناظر عيوني صوب هذي وذيك
مايهز المسامع صوت ريم وهدى
قلت ما عاد لي رغبه وشوفات فيك
قلت يا نفس طيبي يفرحون العدى
قلت عيفي ونفسي بالخفا تشتهيك
عزة النفس تدري طيب ماهي ردى
خل عينك تهل دموعها وش عليك
أنت خدك ورود ودمع عينك ندى
الشاعر ...... متعب التركي
أخوكم
ذيـاب الذيابــي
