المحاورة الخامسة :
وهذه المحاورة بين الشاعرين عيد بن مربح ورشيد بن معدي :
عيد :
[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]في حضور شيوخنا والوجيه الطيبات = مرحبا ترحيبتن وسطها برق ورعد
الأدب والبورصة تستحيج مضاربات =[/POEM]
رشيد :
[POEM="font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]في حضور شيوخنا والكواكب ثابتات =مرحبا في راعي العرف والماطر بعد
الأدب والبورصة في اللغة متخالفات = فرقها مثل الوعد والمخالف للوعد[/POEM]
عيد :
[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]كلهن بالمصلحة يارجل متقاربات = كيف تفهمني تركد معايه ياولد
الأنانية تهد القصور العامرات = ولايفرق شمل الأصحاب ياغير الحسد[/POEM]
رشيد :
[POEM="font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]أنت بأول خير والباقيات الصالحات = مير لاتكثر حسابك وتغلط بالعدد
الأنانية على راس زيد وزيد مات =والحصيني يحلف الدين وذنيبه شهد [/POEM]
عيد :
[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]التفت للشرق مضبوط وتشوف قنوات = جعل عين تبرح الدرب ماتشكي الرمد
كان ماتبغى تسولف معي زين السكات =وكان عندك سالفة شب نارك من زند [/POEM]
رشيد:
[POEM="font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]سالفتك المبهمة سجلت بالكامرات = يوم تلجا لأهل الفن وأنت ابن حمد
لاتحسب إني مسجل بفلم عريب سات = انشد أقطار الجزيرة وسكان البلد [/POEM]
عيد :
[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]أنت ما تقدر تناقش معاي المعجزات = عيد في لفت العمارة نزل وإلا صعد
البري لو يشتكونه خذا صك البراة = والنكد دايم يرمونه على راع النكد [/POEM]
رشيد :
[POEM="font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]المفاهم مر ماعند نا سكر نبات = وأنت ما أنت مكلم الناس وأنته في المهد
يالولد غوار مافيه دور مغامرات = مير هذي غطرسة عيد تبقى للأبد [/POEM]
عيد :
[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]أنت بدوي ما لك إلاثلاث بعيرات = وأنت رابعهن ولاغير هالجملة عدد
لاتضيق بك الدروب الوساع الواسعات = المثل قال لك من جد يالصاحب وجد [/POEM]
رشيد :
[POEM="font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]أنت تاجر حيضري معك سبع الموبقات = وأنت ثامنهن وعشيق مزبور النهد
لاتورث حجة الغاويات النافثات =تدعي فالظن والظن ما يحسب سند [/POEM]
عيد :
[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]هكذا نضغط ونخلف مسير الشاحنات = الحمل بظهورهن والنهاية في البلد
سامح الله ربعنا بالوزان الناقصات = عوذ برب الفلق عوذ برب الصمد [/POEM]
رشيد :
[POEM="font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]أنت شايب جاهلي فات عمر العود فات = الله إنه ينصر الدين والحاكم فهد
مالك الله ينفعك عندنا حسن الصفات =لو يقولون إن من رد ماعده شرد [/POEM]
عيد :
[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]طال عمر ملوكنا والعيون الساهرات = في ذراهم تمرح الضأن في واد القهد
العن الشيطان يابو شنب سبع لعنات = وكان صدرك ضاق قللي وتبشر بالسعد [/POEM]
رشيد :
[POEM="font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]الموذن يوم يذن ينادي للصلاة = والمنافق شين في سنة محمد جحد
لعنة الشيطان ناخذ بها سبع حسنات = وأنت لو تضيق منا تبي تمسي كمد [/POEM]
المحاورة السادسة :
محاورة بين الشاعرين نواف العازمي ورشيد بن معدي
رشيد :
[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]هلا يامرحبا ترحيبتن طاروقها ينقاد = كما قود العسيف تحت حكمة مدربها
ترى الليلة فرح لأن الفرح يحسب من الأعياد =ومن يحضر على الحفلة يقدرها بواجبها [/POEM]
نواف :
[POEM="font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]عسى فيك البقا ياللي ترحب وأنت راع شداد =من أول لايرحب بالضيوف إلا معزبها
دعيتونا على الحفلة وجيناكم على الميعاد =وصارت مشكلة لكن ماأدري وش سبايبها [/POEM]
رشيد :
[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]يدوم لك البقا يالشاعر الملهم ويالقصاد =ونفسك ياطويل العرف حاسبها وعاتبها
دعيناكم وجيتونا على الفطرة وملحة زاد =وأنا ما لي ومال الناس أخاصمها وأطالبها [/POEM]
نواف :
[POEM="font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]ألا يابلشة الشاعر وألا يابلشة الأجواد =أثر بعض العلوم صحيح ماتحمد عواقبها
ترى اللي جاك يابغداد من ريسك يابغداد= يحسبنه بكيفه يطلع الشمس ويغيبها [/POEM]
رشيد :
[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]تبي تبلش وتبلشنا مع المحدار والمسناد =يزولن الرواسي والعرب تبقى ذهايبها
لاتشغلني وأنادي صاحبك ياسند ما أدري باد = أخلي كل لحية ماتعذر عن شواربها [/POEM]
نواف :
[POEM="font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]حمدنا الله على النعمة ولكن كثروا الحساد=لاجبت المشكلة كيف أتعذر وأنت جايبها
تقول اللي تقوله كل قوم لها سيوف =وبعض الناس تبغى بعدها والله مقربها[/POEM]
رشيد :
[POEM="font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]من الواجب يابن راشد تجامل مع بني تحماد = مادامك بالف خير البير لاتغثرب مشاربها
ترى حنا عرب لن العروبة ينطقون الضاد =ومحمد هو نبي الله ومسيلم كذيبها [/POEM]
نواف :
[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]ابن حامد وابن راشد وابن عايد وابن عياد = تحاول لايطيح شداد ريمه فوق غاربها
وحنا ياعرب والله ماحنا للصنم عباد = علاقات العرب من بينها هو وش يخربها [/POEM]
رشيد :
[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]أبيك تميز التاريخ قبل تنشد النشاد = عطيتك كلمة الإعراب لكن ما أنت معربها
ليا منا تفاهمنا على المصدار والميراد = يقر الوزن والأمة تمرح في مضاربها [/POEM]
نواف :
[POEM="font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]ترانا قبل نعرف وش سبا نعرف ثمود وعاد = ولاعندي جهل في كل موجبها وسالبها
ترى العام الجديد يجيب في حثله علوم جداد =وأعرف اللي يطق خشومها واللي يحب[/POEM]بها
رشيد :
[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]يقولون العرب وسط السلم وش صدت يالجراد = تفكر بالليالي وأنت عجبه من عجايبها
تدرج ياوسيع العرف خل النوم والمرقاد = لا أحطك تحت الأرض اللي تمشى في مناكبها [/POEM]
نواف :
[POEM="font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]أحد صايد وأحدمصيود وأحد مفلس ما صاد =ولكن الجهات الأربعة هبت هبايبها[/POEM]
المحاورة الثامنة :
محاورة بين الشاعرين رشيد بن معدي وذيب الشمري
رشيد :
[POEM="font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]الله يحيي الجميع بحفلة ابن حمد = مسلم الشيخ ابن بداي راع الشداد
ياذيب يالشمر يحضر وخلك ولد =وادر إن راس الفتيلة عند خشم الزناد [/POEM]
ذيب :
[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]عسى البقا فيك وأنت الشاعر المعتمد= أنته مدير الفريق وريس الاتحاد
مافيه داعي نحط السبت قبل الأحد= حتى تجلى غيوم الشك والاعتقاد [/POEM]
رشيد :
[POEM="font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]أنا ما أذمك مثقف لك نصيب الأسد = يوم إن بعض العرب من وقفته ما استفاد
اضرب عدد في عدد واطرح عدد من عدد = حتى يقولون مثل قصة السندباد
ذيب :[/POEM]
ذيب :
[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]عسى العيون الكريمة مايجيها الرمد = من شاننا مانقول النار تخّر رماد
ياعبس بإسرافكم ضاع اقتصاد البلد = قولوا لشمر تنمي باقي الاقتصاد [/POEM]
رشيد :
[POEM="font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]الله يكافيك شر أهل القشر والحسد = وإنه يجاهد صحيب مانبيله جهاد
لاعاد تدلي بحجه ماعليها سند = أقول ياعبس ياشمر هذا الود واد [/POEM]
ذيب :
[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]علاج الأرواح يفرق عن علاج الجسد = يماخذ حكمتك من عمتك شهرزاد
عسى حطبكم جمر وحبالكم من مسد = إذا نثرتوا حياض النصح والانتقاد [/POEM]
رشيد :
[POEM="font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]أنا وليد البلد وأدرى شجون البلد = والا أنت عمتك ترحل من بلاد لبلاد
يابوجهل لويطق براسك أكبر وتد =تقول أنا مستعد لكرة مع طراد[/POEM]
ذيب :
[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]عمتك فيها روماتيزم وفيها كمد =لاشك أنا عمتي تقدر تشيل العتاد
مهما تزيد البرودة عزمنا مابرد = مانعتني في ظروف الجو حر وبراد [/POEM]
رشيد :
[POEM="font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]ياذيب لاتروع العالم بترعة زبد = حنا عرب مانحب لجارنا الإضطهاد
يكم وياكم وياكم ضاع مال لُبد= حتى نقول أنت مسلم بين ملحة وزاد[/POEM]
ذيب :
[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]أنتم حماة العروبة في السنين الجدد = لا نام أحدكم يحط العلك تحت الوساد
يالربع لامن نخيتونا نجيكم مدد = تبغى تعود علوم القوم مسك وزباد [/POEM]