من ضيقتي عديت في راسي مرقاب=مرقاب عالي تتعب الرجل دونه
بسم الله الرحمن الرحيم
حبيت اشارك بقصيده للوالد كتبها
ويريت تعطوني ارائكم
من ضيقتي عديت في راسي مرقاب=مرقاب عالي تتعب الرجل دونه
عديت في المرقاب ماني بنصاب =ارجو لعل القلب تهجد طعونه
يامسندي ياعيد يوم الغظي غاب= روحي على فرقا الحبيب مغبونه
ابو عيون وساع والرمش جذاب= يخشى عليه من الحسد يحسدونه
لاسلهمت بعيونها وطرف الاهداب= حتى القلب من داخلي ينزعونه
اقفى وكن بداخل القلب مشهاب =جمر الغضى في داخله يشعمونه
ياربع ياللي بوجهنا صكو الباب =نزهم وحتى الصوت ماتسمعونه
وش الظروف اللي دعتكم والاسباب =ابغا جواب مفصلاً تشرحونه
اقولها واليوم للحق طلاب =وان كان لكم حق لاتتركونه
كانه خطا مسموح من بين الاحباب =من عادة الاحباب مايؤخذونه
واخص في قصدي الجماعه و الاقراب= وقول قولي للذي يفهمونه
ماني من اللي ينقل الهرج كذاب= يكذب على ربعه وعلي يجونه
يقول قولات تودي الإنشاب= يوزع كذباته مع اللي يبونه
هذاك يصلح للعماهيج حطاب =انا اشهد انه من ارجال المهونه
يجمع حطب والايمسس بالطناب= ويجلس مع النسوان يمخض اسعونه
تمت ونبغى العذر من كل الأصحاب= واللي حصله مثلنا تعذرونه
آخر تعديل بواسطة برق الوسم ، 03-05-2009 الساعة 02:45 AM.
| توقيع Muhammad |
|
when it hurts to look back and you are scared to look to the future you can look above you and you will see allah is there
|
|