قبيلة بني رشيد - جوهره الماس

صدفه مره صادفتني في مكان ٍبه حضور
مهرة ٍ قادة رجال بغض طرف أعيونها
شفتها وتكاثرت فيني كثيرً من أمور
قلت يا ربي وش إلي واقعً بظنونها
مهرة(ن) ما بينت للناس في ذيك العصور
كيف اجل لوهي تبين والله ان يهونها
كان عنتر تاركً عبله وقت ذيك الدهور
وكان قيس أبن الملوح خلى ليلى بكونها
قايده لريم والله ما وجد فيها قصور
جوهرة ألماس والله .. ربي الي يصونها
وكل حرف يطيح منها ينتثر فيني شعور
اكتب احروف القصيده من جمال الحونها
لا ظهرت لناس شعشع من حلاها زود نور
ولا حكت كل النواظر تتجه لشجونها
كل وردً تقطفه باليد يصبح لي عطور
يفوح بالمجلس عطرمن طيب عود أغصونها
لا بغيت اكتب حروفي انتثر حبري سطور
هايمً فوق السطور ومبتلي بعيونها
نورها شع وتلالا .. هي سناء كل البدور
ومن حكيها صرت ادور من خيال مزونها
لجل ابحضر واتلذذ بين كثره من حضور
لجل امتع ناظري .. بشوف رمش اجفونها

خليل بن إبراهيم
الرياض