وجع حب.وجع خوف. وجع شوق.وجع ضيقة =على كيفك وهاك اختـار هـذي سلـة أوجاعـي
غلا واسمع نزيف الجرح كلام الصمـت ماطيقـه =انا محتاج اسولف لك عن اول وآخـر اوضاعي
أبد ما يجرحك صوتـي.. حيـاة الطيـر تحليقـه =عليك الله تصير الكـون.والمسبـاق.والداعـي
انا أصدق طير في الدنيا عشـق حـى مسابيقـه =ولكنـي بقيـت اذكـر معـك أيــام مرباعـي
تعال افتح كفوفك حلـم.. امـوت بيـوم تحقيقه =تعال ارسم بحور العشق.. واكـ سر لو تبي شراعي
ابـي غيـمٍ ســرق ربـعـي وذللهم بتشويقــه =اكون اول بشر مجنون.. تزوره بالعطـش قاعـي
وحتى لـو وهـم.. تكفـى.. ابتوهـم بتصديقـه =أبي ذاتي.. أبي مولـد يـوازي صرخـة الناعـي
احـس بداخلـي عالـم.. حـرام أقتـل مخاليقـه =حرام اسكت.. وانا صوتي نثرته وجـه لاتباعي
يــا أول قـلـب يبكيني..وتبكيـنـي مواثيـقـه =انا اطباعي مهي زينـة.. ولكـن هـذي اطباعي
تغربني قوافي المـوت.. واقـود العمـر تشريقة =أ عيش بشبه غيبوية واعـرف ان الزمـن واعي
أكمّل لك.. وجع خوف.وجع شوق.وجع ضيقة =على كيفـك ترتبنـي.. حلالـك كـل أوجاعـي