قبيلة بني رشيد - .،‘ مـآشوف شخـص بحـــلاتـك ‘،.

لحــــــظه قبـــل كل الحكي والمتاهات
قاري وسط عينك معاني سكاتــــــــــك

مــــــن عادتـك بعــد الخطا لك عبارات
ومن عادتي أسعى وأدور رضاتــــــــك

حـــــتى غديـت أفطــن ومن دون كلمات
أقرى وأترجم مابقى من حياتـــــــــــــك

أن كـــــــــــان لك ونة ترى في جلطات
مستوطنه قلبي وتطلب نجاتــــــــــــــك

الأولى ذي والثـــــــــــــانيه مابعد جات
خذها حقيقه تدحم أربع جهاتـــــــــــــك

فوتـــــــــــــلك " زله " وزله " وزلات
بس أنت ماتدري وشني سواتــــــــــــك

ترجــــــــــع تكرر هالخطا عشر مرات
ياخي نصحتك لاتلاطم شفاتـــــــــــــــك

شفـــــــني انا المظلـ،ـوم من بعد مافات
انهض ولا اجلس لاطرالي شتاتـــــــــك

لن الحــــــــيا بالـــروح باقــي ولا مات
واللي نكر حبه من الـــذات ذاتـــــــــــك

وأليا طريـــــــــــنا معدن الحب والذات
ماغيره من كان ماخذ صفاتـــــــــــــــك

وأبقى رغــــــــــم ذلك معك بالمسافات
واقول يمكــن تعــرف أني غلاتـــــــــك

ماقــــــول فاقــد حس مافــي صحــوات
لازلت انا ماشوف شخص بحلاتــــــــك

ألحــــــــــــق على الأيام والعمر لحظات
وتفداك كل لحظه تـنـمـي صباتــــــــــك

الروح تعــــشق شخص من غير رايات
وانا وضــوح الشمــس وأنت أبعباتـــــك

لا تاخذ الســــــــــــــيه على مر الاوقات
أفلح خطاتك ربي يقبل صلاتــــــــــــــك

والخاتـــــــــــــــمه بيت على كل الأبيات
يسقي جذورك حتــى يظهر نباتــــــــــك

انا وربـــــــــــــــــي رب سبع السماوات
أرهن حياتــي لاجل تسعد حياتـــــــــــك