مرتاح ومريح ولا اشكي البين * وذي حالتي 24 ساعة .
 

[frame="7 80"]

ياناشـدٍ عنّـي بعـد غيبتـي ويـن ؟

وتسأل عن أسبـاب البطـا والقطاعـه

أن كـان تسألنـي بعـد زل شهريـن

فاخذ الجواب اللي يسـرّك سماعـه :

مرتاح ومريّـح وحالـي كـذا زيـن

على مـدار اربـع وعشريـن ساعـه

اشفق على عِرف الرجـال المياميـن

وعن رفقـة الهافيـن عنـدي مناعـه

لاصرت متعافي 00 ونهجي على الدين

وارجي مـن الله الرضـا والشفاعـه

ومساندٍ ربعي علـى العسـر والليـن

ومرضٍ أبوي 00 ومفتخر بالجماعـه

ماهمّني لـو يرهـق امتونـي الدَيـن

المرجلـه والدِيـن راس البضـاعـه

وأغلا من كنوز الذهـب والملاييـن :

كنـز الرضـا والعافيـه والقنـاعـه

وماغير ربّي 00 ثـم ولاة الحرَميـن

اقـول لامـن قـال سمـعٍ وطـاعـه

صحيح ربّي خالق النـاس مـن طيـن

ومرّوا بتسع شهـور قبـل الرضاعـه

لكـنّ مـيّـز بينـهـم فالمـوازيـن

وكلٍ حسـب عقلـه ونجـدة اذراعـه

مايستوي قدر الردي واحمـر العيـن

ولايستـوي طبـع الحيـا والبشاعـه

مايقهـر الرجـال ياغـيـر ثنتـيـن

ومالـه علـى تعديلهـنّ استطـاعـه

لاصار وافي شـور وفعـول ويميـن

وطـاح بزمـن مايعتـرف بالشجاعـه

المـال كـم وطّـا ونـزّل سلاطيـن

وكم طال بـه قاصـر وزاد ارتفاعـه

هـذي تصاريـف الزمـن بالبراهيـن

وكـلٍ يترجمهـا بحسـب إطّـلاعـه

والحين اضنّـك فاهـمٍ حالتـي زيـن

قل قالهـا راكـان ماهيـب اشاعـه :

مرتاح ومريّح 00 ولا اشكي من البين

وذي حـالـتــي 24 ســاعـــه

راكان بن بدن ,,,


[/frame]

يــــــــــــــــــا لبيه بس دموع

جد روووووووعه تسلمين

اختي رعبوبه ,برستيجي, مراهيش
الروعه والجمال تشريفكم متصفحي
لكم كل الشكر اسعدني تواجد اقلامكم
لاهنتم جميع

صح السانك على القصيدة الرائعه

وكم طال بـه قاصـر وزاد ارتفاعـه

هـذي تصاريـف الزمـن بالبراهيـن

وكـلٍ يترجمهـا بحسـب إطّـلاعـه

اختيار موفق

صح ابدنك ولاهنت على المرورالاروع

صح لسانك ولسان شاعرها

صح ابدنك ياغلاهم مشكوره على مرورك

سلمت يمينكـ دمعه ع النقل الرائع،،،
،
بقمة الرووعه والأختيار ،،،
،
يــعطيك الــــف عااافيه ,,,
،
وصــح لسان شاعرها وتسلم يمين ناقلها ...^_~

اخوي دعاني ,البيطار الروعه بحق هو مرور اقلامكم
لكم مني كل شكر ولاهنتم

يعطيك العافيه على النقل
وصح لسان قايلها

بندر صح ابدنك ولاهنت