|
قصيده الشاعر دغيم بن عجوين
قصيده الشاعر دغيم بن عجوين ابن الشاعر المعروف حامد بن عجوين رحمه الله بربعه العجاونه سـلام ياللـي للثقـيـلات شـيـال=الـلي ليـا مـال الزمـن نعتزيبـه سلام منـي عـد مـا هـل همـال=وعداد ما تخضـر غصـونٍ رطيبـه وعداد ماساقوا مـن البـن فنجـال=وعداد ماغنـى الصحيـب بصحيبـه بشيخاًولد شيخاّ مـن اول ولا زال=امارتـه مبطـي ولاهـي قريـبـه إمارتـه ماهـي سواليـف وخبـال=وماهـي سوالـف روح وده وجيبـه أمارته يوم الرمـك شهـب الاذيـال=يوم السبر بيـن السهـل والجذيبـه من ساس عودٍ معرب الجد والخـال=فعايلـه يـوم المعـارك عجيـبـه هذاك ابن عجويـن يانعـم الافعـال=كلـنٍ سمـع علمـه وكلـنٍ دريبـه يشهد له التاريخ في ماضي الاجيـال=وتشهد له شرَيفـه ويشهـد شعيبـه يومِ جاسـم قـال تكفـون ياعيـال=القـوم جونـا والمـوارد صعيـبـه توافدوا مـا بيـن رجلـي وخيـال=كلـن يقـول الاولـه مـن نصيبـه ركب علـى صفـراه والـدم شـلال=واكبـر دليـل ان الكحيـلا صويبـه من بين فرسان على الخيـل تجتـال= لعيون هاك الشيـخ شبـوا شبيبـه هذا هو التاريـخ والصـدق ينقـال=والكـذب قالـوا للرجاجيـل خيبـه بفهـم اللـي للتـواريـخ يغـتـال=لا ينـزل بطـن الشعيـب يغديـبـه ان كان يجهل يسـأل رجـال عقـال=ولاكـل رجـالٍ علومـه مصيـبـه اما فهـم ولا حديتـه علـى الجـال=ودرستـه دروس السنيـن المريبـه انا ولد من يسخـر القـاف لا مـال=ليا قيـل حامـد زاد للشعـر هيبـه بعطيه نبذه كـان يجهـل بالاحـوال=عن ربعي اللـي يتعبـون النجيبـه ربعي ليا جاء العلم مافيهـم جـدال=عاداتهـم روس الطـوال الصعيبـه وافخر بربعي واتنخي وارفع عقـال=ومن لا مـدح ربعـه رديٍ نصيبـه ان رحت للعجويـن سنـدت للجبـال=عيال عايـد كـد خذوهـا غصيبـه لاجيت ابن جوهر عن الشمس بظلال=لاتخاف ان كبرت عليـك المصيبـه وسلم ليا جيت الصعانيـن الابطـال=أهـل العقـوال الراجحـه واللبيبـه رجالهـم ينطـح ثمانيـن رجــال=وفي بيوتهم تلقى الطلي مع عصيبـه وقف ليا جيت لأبن حبيليص لاتسـال=طيبه قديم ولا يبـي شـرح طيبـه خله بوجه لأبن عنبـر علـى الفـال=ملجا الضعيف اللي غشى الوجه شيبه منه لأبـن بيزيـم للطيـب منـزال=مبازمـه يويـل منـهـم حريـبـه وليا حداك الوقـت والوقـت ميـال=كزه لأبن موحـي عطيـب الظريبـه وعيال سيف وراحم الي على البـال=كم فارسـأ حطـوا لراسـه نصيبـه وكل القبايل فيهـم ابطـال ورجـال=وكل ليا جـاء العلـم نـارأ لهيبـه وختامه صلو علـى خيـر مرسـال=نبينـا يـوم الحـشـر نلتجيـبـه |
تسلم اخوي حمود العجوني على
النقل الرائع لهذي القصيدة التي نعتز فيها وفي اربوعنا العجاونه وصح الله لسان الشاعر دغيم حامد بن عجوين وتقبل تحيات اخوك نايف العجوني |
الله يرحمه شاعر جزل
مشكور اخوي على انقل تقبل تحياتي |
إقتباس:
|
إقتباس:
|
صح لسااان ابو حامد ولا هنت على النقل اخوي حمود وتقبل تقديري
|
لا هنت اخوي فلاح وتسلم على المرور
|
بيض الله وجهك اخوي حمود العجوني
وصح لسان شاعرها دغيم بن عجوين ونعم في العجاونة ولاخلا ولاعدم |
صح السان الشاعر ومشكور اخوى حمود على النقل ويستاهلون
خوالى العجاونه ,,, وتقبل مرورى |
تسلم اخوي ذيب الحجاز وماعليك زود طال عمرك
|
تسلم البعيد الهادي ومشكووووور على المرور الرائع
|
بيض الله وجهك يا حمود
والله مليار نعم بالعجاونه وتقبل سلامي |
ووجهك ابيض اخوي فهد وماعليك زود طال عمرك وتسلم على المرور
|
صح لسانك وبيضالله وجهك نحنو نعت بيبني عمونتنا العجاونه : اخوك خالد سعود العجوني
|
اتمنا ان تقبل سلام لبني عجوين اخوك: خالد العجوني
|
عساك علئ القوئ ونعم فيك وبلعجاونه كلهم وبيض الله وجهك علا هل قصيده : خالد العجوني
|
تسلم اخوي خالد على مرورك ووجهك ابيض
|
صح لسان الشاعردغيم بن عجوين والنعم في العجاونه وفي قبايل بني رشيد
|
تسلم كحيلان على المرور وماعليك زود طال عمرك
|
| الساعة الآن +4: 08:32 PM. |
Powered by vBulletin® Version 3.8.2
Copyright ©2000 - 2025, Jelsoft Enterprises Ltd.
