|
اتصبر لوزماني بالموده ماصفالي=والتمني يقطعه حبل الرجا والنار حيه
وجد روحي يالزمان اللي من الدنيا مضالي=وجد من زلة قدم رجله على درب الخطيه بين عدوانٍ على الزلة وتقصير الحوالي=تشفق اشفاقه على علم الردى روحه وجيه حده الحظ الردي ولفته غبر الليالي=لف حبل الدلو الأملح في زرانيق الركيه طاح من عقب العزوم اللي تعديه الطوالي=طيحةٍ تهدم ظنون وغاية النفس الأبيه أشهد أنه ضايقٍ صدري ولا يرتاح بالي=غير في شوف الخلا الخالي والأرض الجرهديه لاعطينا مع خطوطٍ تقطع الجو الموالي=من ورى عرق النفود ومن يمين الجندلية نتبارى مع طمان الجو والممشى عدالي=وأن تخالفنا معشانا فياض الحاصبيه من حقوق الوسم مسقيها مراويح الخيالي=السحاب اللي رعوده تلتحم في مقدميه كل مازادت رعوده برقه يزيد أشتعالي=يشتعل بين الكواكب والنجوم الموسميه أوله وبلٍ دقاق ويتبعه وبلٍ ثقالي=وآخره ديمة وتاليها يجي ضرب بردية هلت الوبل ومفيض الروض فالقيعان مالي=ميلةٍ عقب الدهر تروي ضماها في شويه وأشتبك عود الشمطري والشجر سبل وطالي=كل ماذعذع هوى الغربي تمايل في نحيه ناخذ السجه بها عشرة ليالي بالكمالي=ماسمعنا علم ثورات الشعوب اليعربيه ولانخاوي غير رجالٍ تنصاه الرجالي=يجذبه طلق المحيا عن محيط الجاذبيه كل فعله طيب وعلومه ثمينات وجزالي=الخوي اللي ولا مره تردى في خويه والردي ماهو رفيقٍ لي ولا فيها جدالي=بايعه بيعه ولاني من وراه أرجي عطيه يانديمي سوق لي فنجال من صفر الدلالي=القصيد يزين مع لعب اللحون السامريه كم شربنا كاس مر وكم شربنا كاس حالي=عايش الدنيا على حسب الحياة الواقعيه واتصبر لوزماني بالموده ماصفالي=والتمني يقطعه حبل الرجا والنار حيه واتعزم وأن وقفت أوقف على ساقي لحالي=ماشكيت الجرح والغربال وعزومي قويه تقدح الدنيا شرارتها فالأيام التوالي=بين عميان البصيره والعقول العبقريه سيرةٍ فيها يضيع الفكر قافيها الزوالي=مالها عندي وعند الناس غيري قابليه الليالي ضيمها يبيد عفاريت الرجالي=كان ماوسع منك للمضيوم يانجد العذيه |
ياسلام ياسلام
بيض الله وجهك وصح لسانك ملااااااااااااااااااااااااااااااااايين قصيده معبره .. جميله جداً .. من الوزن الثقيل تدل على تمكن شاعرنا . اشكرك ياعبدالهادي . تقبل تحياتي وتقديري واحترامي |
مشششاء الله قصيدة جزلة من شاعر جزل
|
إقتباس:
قصيده جزله من شاعر جزل صح السانك وعتلا شانك |
الله الله عبدالهادي بن صبح أبدعت صح لسانك قصيدة رائعه |
صح لسانك وبيض الله وجهكــ
ننتظر جديدكـــــــــــــ |
صح لسانك
قصيده وافيه وانا اشهد ان البر دواء للقلوب العليله |
صح لسااانك ياعبدالهادي
تقبل مروري |
صح لسانك
يعطيك العافيه . |
إقتباس:
عبدالله المظهور صح بدنك طال عمرك يعلم الله تشرفت بمرورك وتعليقك الجميل لك الود والتقدير |
إقتباس:
مرورك شرفني وشهادتك وسام على صدري يعطيك العافيه |
إقتباس:
عايد صح بدنك شرفتني بمرورك الجميل لك التحيه والتقدير |
إقتباس:
الحر النداوي صح بدنك طال عمرك الأبداع مرورك تقبل مني خالص التحيه والأحترام |
إقتباس:
صح بدنك ياعيد الداموك أشكرك جزيل الشكر على التثبيت والختم تقبل مني التحيه والتقدير يامشرفنا العزيز أبشر بالجديد |
إقتباس:
ناصر الرشيدي يعلم الله تشرفت بمرورك الجيمل صح بدنك طال عمرك |
إقتباس:
عبدالرحمن صح بدنك مرورك شرف طال عمرك شكرا لك |
عبدالهادي بن صبح
صح لسانك مليون مره مره ماتكفي بيض الله وجهك على هذه الرائعه من أجمل ماقرأت وأنت شاعر عملاق وشهادتي فيك مجروحه تقبل مروري ولا تحرمنا من جديدك |
إقتباس:
صح بدنك ولد الشرقيه الله يعافيك شرفني مرورك |
إقتباس:
منصور بن صبح شهادتك فخر لي لانها من شاعر بحجمك طال عمرك صح بدنك الأجمل مرورك اللي يعلم الله أنه شرفني أبشر بالجديد أن شاء الله تحياتي وتقديري لك |
كم شربنا كآس مـر وكم شربنا كآس حـآلي << صح لسـآنك مليوون ولايسدون .
قصيده في منتهــى الروعه .. سلمت .. تقبل مروري |
إقتباس:
ذعاذيع الشمال صح بدنك مرورك شرفني طال عمرك تقبل مني التحيه والتقدير |
صح لسانك يابن صبح على روعة الأبداع
أبيات جميله بكل ماتعنيه الكلمه ونص زاخر وراقي بيض الله وجهك |
إقتباس:
هذا الشعر ولا بلاش علي الجيره انهم ماقالوها عيال النيدو هذا الشعر الاصلي واللي يحب العمده صح السانك |
صح السانك قصيده جميله جدا
|
إقتباس:
صح بدنك يامرثع الأجمل مرورك أشكرك على الأطراء الجميل شرفني مرورك تحياتي لك |
إقتباس:
يعلم الله أن شهادة العمده تاج على راسي لانها من شاعر عملاق وشاعر تفتخر به قبيلة بني رشيد أبو تركي مرورك شرفني وأبشر بالقصائد اللي مثل هاذي وأحسن على نهج الشيبان الأولين رضاعة حليب المعزا ههههههههههه ولا تزعلون ياعيال النيدو عندنا اللي يرضيكم من قصيد هههههههههههههههههههه كل شي متوفر ويرضي كل الأطراف ههههههه صح بدنك تحياتي وتقديري لك |
إقتباس:
صح بدنك عادل الشويلعي مرورك شرفني طال عمرك تحياتي لك |
صح لسااااااااااااااااااانك
روووعه وجزله بمعنى الكلمه سجل اعجابي لااااااهنت |
إقتباس:
صح بدنك عبدالرحمن أعجابك شرف لي طال عمرك أشكرك على مرورك الجميل |
عبد الهادي بن صبح صح اللسانك
|
| الساعة الآن +4: 04:10 AM. |
Powered by vBulletin® Version 3.8.2
Copyright ©2000 - 2025, Jelsoft Enterprises Ltd.
