[poem=font="simplified arabic,4,blue,bold,normal" bkcolor="transparent" bkimage="" border="none,4,gray" type=1 line=0 align=center use=sp num="0,black""]
ياجرحي استأذنك بنام لي ساعـه =وارجوك دخيل الله لاتصحّيني
لي خمسـه ايام اعيش السّمع والطّاعـه=ولك خمسـه ايام تامرني وتنهيني
والمشكلـه جت عروق القلب فزّاعّـه =مايكفي انك سرقت النوم من عيني
اصبحت انا القاز وانت امسيت ولاّعـه= شبيتني يلـ... اهلك وش يطفّيني
دكتور وممرضـه وابره وسمّاعـه =في كل ليله ولايدرون وش فيني
ياسيدي الجرح قلبي يشتكي راعـه =لا الذنب ذنبي ولا الموضوع بيديني
حبيت واخلصت واثر الحب فقّاعـه =روّح وباقي يموتني ويحييني
غيري هدر دم عشق وللاسف باعـه= غيري قتل كل حب بحد سكيّني
وانا الي اصبحت للأخطاء شمّاعـه= وادفع ثمن كل غلطه من محبيني
بدايته سلسلـه والنّفس طمّاعـه= اغراني ادري ولا في شي يغريني
واليوم لو قلت يااهل الحب وطباعـه=انتوا على دينكم وانا على ديني
اجبرني الجرح اعيش السّمع والطّاعـه =حتى ولو قلت له ياجرحي اعفيني
من خمسة ايام وانا في رجا ساعـه=وان جيت بنامها جرحي يصحّيني
[/poem]

[poem=font="simplified arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
إن أعطاك من أهتماماته مساحه=علقك بأوهام (وأشغلك) (بقصيده)
يقدر يدخلك كمٌ من وشاحه=وصوته يسيلك وتجري في وريده
[/poem]