[الاجهر]

البارحه عني تقزا نومي=والهم طيره في الضمير يحومي
ابسالك ياهم شاللي جابك=وانت الغريم اللي تقود القومي
قوم(ن)على فكري تشن الغاره=تبغي تبيد من قوي عزومي
وانا ادري ان اللي حذف بك صوبي=طيف الحبيب اللي لفا بحلومي
قدله سنه من غاب زوله عني=وقد لي سنه صابر على المقسومي
اكتبه الابيات شوق وذكرى=لو كانت الذكرى شقا المحرومي
ومن قال لي فيمن كتبت ابياتك=قلت الهوى وهم(ن)وانا موهومي
اخاف يشمتبي عذول(ن)ماكر=قلبه على قطع الوصل محمومي
بلاه يومه ماحضى بوصالك=وماجاد حظه والحظوظ قسومي
احد(ن)يجي حظه على مطلوبه=واحد(ن)بحظه عاجز(ن)لا يقومي
وانا اشكر اللي خصني بوصالك=جابك بقلبي والوضع محسومي
انت الحبيب الغالي المتعالي=يامالك احساسي وكل علومي
مثل الهوى ماقدر اعيش بدونك=ولا غيرك الحاكم وانا المحكومي
حكمت قلبي في هواك مؤبد=ويازين حكمك لو انا مضلومي
يشفع لك الطرف الكحيل الناعس=اللي بلحظه خنجر(ن)مسمومي
عين اشقر(ن)راعيه فك سبوقه=طلعه بعيد وللمطير يشومي
ويشفعلك الليل الطويل الضافي=الا ضفا فوق اهيف(ن)محزومي
والخد كنه بارق(ن)بخياله=برق(ن)سرى في مدلهم غيومي
والعنق من طوله تحير فكري=والموت لاشفت الشفا المضمومي
من خلفه حبوب الجواهر صفه=من بينهن شهد العسل مختومي
والعود لا ناحل ولا متراوي=مبروم في مبروم في مبرومي
شاقول في وصفك وايش اخلي=مايوصفك قولي ولا منضومي
لانك تفوق الوصف حسن وهيبه=معدوم جنسك يالغلا معدومي
منك الجمال يغار لاجا وصفك=وفيك الشعر حرفه يجي منجومي
يعني ولو ناضرك ادلوف هتلر=يمكن يغير اسمه لبيومي
واخر كلامي ياعديل انفاسي=الله يفرج كربة المهمومي

اخترتها لكم من قصيد النعيمي

الموضوع الأصلي: انت الغريم اللي تقود القومي | | الكاتب: الاجهر | | المصدر: شبكة بني عبس

[عبداللطيف الرشيدي]

صح السانك قصيده رائعه والله يعطيك العافيه

[الاجهر]

ابو سعد اشكر مرورك تسلم ياغالي

[نـ الذيابي ـايل]

صح لسان الشاعر

والله لايهينك يالاجهر


اهنيك على حسن اختيارك للقصيد

تقبل تحياتي