[ღريم الفلاღ]

السلام عليكم عسولات =) ..

آممم شلونكم ؟ ؟ عساكم بخير وعافية يآرب

أحس موضوعي جا متأخر حبتين .. لأنو بدينا دراسة من زمان

عادي لو مافادكم الحين يفيدكم السنة الجاية



:

كثير منا تعذب علبال مايتأقلم عالدراسة وياخذ عالجو =|

ولسا مو مستوعبين ان الامتحانات قرَبت وجانا الموت

وفي هذه الأثناء .. احنا لا في سما ولا في أرض .. لا اللي مهتمين بنفسنا ولا اللي شادين حيلنا
بالعربي إحنا في كآآرثة =S

في هالموضوع نبى نرتب أوراقنا عدل .. بنتكلم عن عنايتك بنفسك وتنظيمك لوقتك

و شلون تجيبي أعلى معدل بإذن الله .. سواء كنتي في الجامعة أو في المدرسة









كعادتنا مانتغيَر .. نهتم بنفسنا اسبوعين ونطنش عشرة شهور

ولما جا الدوام قعدنا نتحجج فيه وانه يادوب نلحق ندرس ولا نعتني بنفسنا ولا نختبر.. ولا ..ولا ..

عشان جذايه.. بنحط جدول عناية بسيط .. نمشي عليه لحد مايفرجها ربي ونفضى ..


:

خلينا نشوف شنو اللي يبيله عناية :

أول شي نتكلم عن العناية الخارجية ( شعرك + أظافرك + وجهك + جسمك )

بعدين العناية الداخلية ( مشاعرك + و روحك )


:









وجهك , شعرك , أظافرك , وجسمك .. أكثر شي يميزك كأنثى ويعطيك الجمال ..

لما تهمليهم بتحسي انك مو تمام و بينك وبين نفسك تقولي :
" يالله كل البنات حلوين الا أنا حالتي حالة "
فيه أشياء نسويها دايماً ومن أساسيات حياتنا .. بنضيف عليها أشياء ونخليهم كلهم ..( روتين )

:

الشعر

~ مرة في الأسبوع .. سويله ماسك أو زيتيه .. يعني اسبوع ماسك , والاسبوع اللي بعده زيت .

الوجه

نظافته

~ مرتين في اليوم تغسليه بغسول منظف , تمسحي وجهك بتونيك وتحطي كريم مرطب أو واقي شمس , و في الليل كريم الهالات اذا حابه .. مع انه اكثر شي يتنسى.
~ سوي مقشر للوجه وقناع .. مره في الاسبوع .


الرؤوس السوداء

~ أسرع حل انك تستخدمي أشرطة تنقية مسام الأنف من T-Zone مرة كل اسبوعين أو على حسب بشرتك .


حواجبك

~ شقريها كل اسبوع ونص ولاتهمليها .. لانه من جد تبرز ملااامحك .

شفايفك

~ حطي فاازليـن أو مرطب كل ماشفتي وجهك في المراية .

أسنانك

~ فرشيها 3 مرات في اليوم وبين فترة وفترة أفركيها بليمونه .

بنات أعرف انه الليمون كثرته تضر بالمينا .. لكن مرتين ولا مرة وحدة بالشهر ما أظن بتضر
عشان جذيه قلت فترة وفترة


الأظافر



~ أحلى وقت لما تجيك البريود .. جيبي شنطة الأظافر .. وابدي قصيها و ابرديها .. شيلي الجلد الميت بعدين لمعيها

وحطي فازلين شوي او زيت اللوز اللي من بودي شوب .. وحطي مناكير =)
طبعاً رجولك ويدينك مع بعض .

~ بعد ماتخلص البريود .. اذا كانت أظافرك طويلة و مو بيضا قصيها تطلع أرتب وأنظف وابرديها اذا احتاجت .. وركزوا على أظافر رجولكم .


يدينك ورجلينك

~ كل يوم لازم تدهنيهم بكريم أو لوشن مرطب مايكون خفيف .. واشتري كريمات صغيره وخلي وحدة بشنطة الجامعة ووحدة بشنطة السوق وكل ماغسلتي يدك حطي كريم .

~ لاحظت لما تلبسي صندل أو بالرينا لمآ تطلعين أوتمشي حافية في البيت .. تفقد رجولك رطوبتها وتسير ناشفة
لذلك ادهنيهم و البسي شراب أو سليبرز (شبشب بيت) .. ولما تطلعي يفضَل انك تلبسي جوتي رياضة .
جسمك


~ مره في الأسبوع سوي سكرب مقشر لجسمك .. وبالنسبة لإزالة الشعر ..
خليها بعد البيريود بالمرة ..
بالحلاوة أو اللي يريحك .. بس شفره ( موس ) لأ !

~ لما تاخذي شاور .. خذي اللوشن والعطر والباودر جوا الحمام –الله يكرمكم-
حطي اللوشن على جسمك وهو رطب عشان تمسك فيه الرطوبه .. ورشي العطر من بعيد و بعدين الباودر المعطره .. ويا سلآم على ريحتك بعدها .

صحتك

~ قللي من الفاست فود والبطاطس =(

~ واشربي ماي كثيــر .. سوي رياضة أو امشي أو ارقصي مرتين في الاسبوع >> يآآآهـ هوآيتي الرقص

:

كذا خلصنا الأشياء المهمة .. هذا جدول فيه ماسكات مقترحة وسهلـه ..

bRb

الموضوع الأصلي: أنآ + وقتي + الدرآسه = Disaster | | الكاتب: ღريم الفلاღ | | المصدر: شبكة بني عبس

[ღريم الفلاღ]

مشآعرك مهم انك تهتمي فيها مثل أي شي ثاني .. لأنه لو كانت ضعيفة و تعبانة ماراح تتحمل أي موقف يواجهها وبتنهار في أقرب فرصة

نفرض انك مضغووطة من الدراسة بعدين صارتلك مشكلة مع صديقتك ..
نهاية الأسبوع يجيك خبر ان بنت عمتك صارلها حادث ودخلت المستشفى
وماننسى أن عندك اختبار نهائي يوم السبت

كيف بتكون حالتك هذاك الوقت !!
هالأحداث تسير وكلنا واجهنا ظروف شبيهه وكنا في أسوأ حالاتنا ..
من أرق , تعب , ارهاق , تفكير , بكاء .

احنا نبى نريح مشاعرنا عشان لما نواجه ظروف صعبة تكون عندنا قابلية للتحمل

انك تريحي مشاعرك شي مو صعب .. المهم انك ماتحملينها فوق طاقتها ..

تحاولي تبعدي نفسك الأشياء اللي تعصبك وتنكد عليك .. تحاولي تكوني باردة في بعض الأمور

لو كنتي من النوع اللي يأثر فيك كلام الناس لاتدققي كثير في كلامهم – مومعناتها انك تكتمينها في قلبك -
فضفضي وابكي وطلعي كل اللي في قلبك لأحد تثقين فيه .. وحتى لو لمخدتك ودبدوبك ودفترك =")

عيشي لحظتك واستمتعي فيها.. لاتنكدي على نفسك .. ولاتشيلين هم كل العالم
الواحد يادوب يشيل هم نفسه .. ..
يعني مشاعرنا مو على كيفنا متى مابغينا نضحك ضحكنا!
عطيها وقتها اذا كانت تعبانه .. .. سوي دايماً الأشياء اللي تفرحك
حتى لوكانت بسيطة ..

وتشغلي الأباجوره وتقري قصة أو تفتحي دفترك تكتبي فيه ..
لاتستهينوا بهالأشياء من جد تروق الأعصآآب .. وتريحك من الهموم .. أقلها بتقومي اليوم الثاني كلك حيوية ونشاط .


:








لما تمر علينا هذي الأزمات نفقد بسببها توازننا وتسيطر علينا حالات الإكتئاب بكل أشكالها ..
فـ نحتاج أننا نقوي إيماننا وصلتنا بربنا ..



حصَني نفسك من كل شي


سبحآن الله .. أذكار الصباح والمساء لها حكمة ولها أهمية نجهلها ..

انتي لو تمعنتي فيها وفي كل دعاء تقوليه بتعرفي ان ربي حماك من أشياء ومصايب كثيـر ممكن تكون في يومك .. خلينا نقرا بعضهم ..


" اللهم عافني في بدني. اللهم عافني في سمعي.
اللهم عافني في بصري. لا إله إلا أنت اللهم إني أعوذ بك من الكفر والفقر ومن عذاب القبر لا إله إلا أنت ".

هنا تسألي ربك يعافي سمعك وبصرك وبدنك .. ممكن مقدَر لك في يوم انه يصيبك تمزق في الشبكية أو يصيبك مرض مزمن في جسمك .
ممكن كانت بتجيبكم أزمة مالية أو كنت بتسوي عمل يؤدي للكفر وانتي ماتدري- لا قدر الله -
وبهذا الدعاء ربي أبعدهم عنك


" اللهم إني أسألك علماً نافعاً و رزقاً طيباً وعملاً متقبلاً "

هنا تطلبي من ربي العلم اللي ينفعك و الرزق الحلال والعمل المتقبَل
لأنه دايماً الإنسان يدعي ربه
" اللهم اني اعوذ بك من علمٍ لاينفع ومن عملٍ لايرفع "
ايش فايدة ان عمرك يضيع بعمل ربي مايقبله منك


" اللهم إني أسألك العفو والعافية في الدنيا والآخرة.
اللهم إني أسألك العفو و العافية في ديني ودنياي و أهلي ومالي.
اللهم استر عوراتي وآمن روعاتي. اللهم احفظني من بين يدي ومن خلفي.
وعن يميني وعن شمالي ومن فوقي وأعوذ بعظمتك أن أغتال من تحتي "

" اللهم عالم الغيب والشهادة فاطر السماوات والأرض.
ربَ كل شيءٍ ومليكه. أشهد أن لا إله إلا أنت أعوذ بك من شر نفسي
ومن شر الشيطان وشركه وأن أقترف على نفسي سوءاً أو أجرَه إلى مسلم "

تسألين ربك أنه يعيذك من شر نفسك ومن الشياطين .. ومايخليك تجرين الشر لأي مسلم وتاخذين إثمه.

:

.. يوم قريناها سوا .. ماتحسوا كأنكم أول مرة تقرونها ؟

بعد آخر الأزمات اللي مريت فيها .. قعدت اراجع نفسي .. الأيام اللي صارتلي فيها المصايب
ماكنت قاريه أذكاري .. لا صباح ولا مساء
صحيح قضاء الله وقدره .. لكن الواحد ممكن يدفع البلآء بالدعاء..



.. جاني إيميل فيه مقطعين صوت للأذكار ..
حطيته في جوالي أشغله لما أقوم من النوم الصبح .. ولما يجي المغرب ..


كود:

http://www.tagibb.com/vb/showthread.php?t=3532









نسبة \ ثانوية عامة \ جامعة \ معدل \ تخرج .... والقائمة تطول =(

كلها هموم على القلب =| احنا بس نقول الله يلطف بحالنا مانبي من هالدنيا غير حسن الخاتمة

المهم ..

عشان تسهل دراستك .. لازم تكون لك طريقة في المذاكرة .. كثير يقولون احنا نذاكر ونتعب نفسنا اخرتها مانجااوب =\

عشان تضمني انك تحليعدل وتضمني ان شاء الله معدل أو نسبة ترفع الراس ..

هذي استراتيجيات تعلمتها وانا ادرس والحمدلله ماشية تمام التمام معاها ..

:

bRb

[ღريم الفلاღ]

الاستراتيجيات اللي تساعدك في المذاكرة

خطة الدراسة









سويلج خطة دراسة اكتبي فيها الفصول و الدروس .. وحطيها قدامك .. ميزتها انج تقسمي وقتك

هذا مثال لخطة دراستي لما كنت بالثانوي .. احلى شي لما تخلصين من فصل تشخبيطيـن عليه من قلب .

:


Mind Map








الصور ترسخ في المخ أكثر من الكلام ..

إذا بصعوبة تحفظي الدرس .. والمعلومات كثيرة ومتشعبة ..
استخدمي (المايند ماب) أو (الخريطة الذهنية)..

ارسمي الصور اللي تعبر عن المعلومة عشان ترتبط في بالك .. فـ لما يجي الاختبار تتذكري الصور اللي راسمتها وعلطول تتذكري التعاريف والكلام ..

لها كتاب خاص لطريقتها بالتفصيل .. اسمه ( الخريطة الذهنية خطوة بخطوة- نجيب الرفاعي)

بس مايحتاج تاخذي الكتاب .. ممكن تلقين معلومات عنه في جوجل


:


التلخيص








التلخيص مهــم .. أستغرب ماشاءالله عالبنات اللي يقدروا يذاكروا من الكتاب

اجمعي كل التعاريف مع بعض في ورقة .. وكل القوانين في ورقة .. وكل المصطلحات في ورقة ..

والأسئلة في ورقة. عشان تترتب معلوماتك زي ماقلنا..
وكمان عشان تاخذي المهم والزبدة

لما تفتحي الكتاب وهو كلله معلومات .. تركيزك بيقل .. تذاكرين ايش ولا ايش ..
بس لما كلهم في ورقة .. راح يسهل عليك ..

زمان في الثانوي كنت ألخص وكل ماشافني أحد قالي ..
آآه حدها فاااضية .. يختي ذاكري من الكتاب

صح كانت تاخذ وقت مني .. بس الحمدلله أرتااح في الاختبارات وأخلص مذاكرة بسرعة

هذي الصورة لملخص فيزياء .. الحين في الجامعة مافي وقت مثل أول فألخص بيدي ..


:










الوقت أهم شي بنتعامل معاه ..

Notebook

الحين في الدراسة مهم تستخدميه ..

كل شوي يقولوا عندكم كويز .. عندكم اختبار .. وكل واحد في تاريخ ..
لوحطيتيتهم في اوراق بتضيع .. ولو كتبتيهم عالكتاب ممكن تنسي ..

بس النوت .. مقسم الشهور والأسابيع .. وبيكون مرتب وتعرفين ايش الاختبارات
اللي ورا بعض وايش وراك هالأسبوع من تسليم مشاريع وبحوث أو مذاكرة

اللي ماجربوها قبل .. بقولكم كيف تستخدمونها..

:

الـ Notebook هو الدفتر الصغير اللي دايماً نشوفه في المكتبات وأشكاله تجنن ..
يستخدم لتنظيم الوقت والمواعيد .. بالذات اذا كان جدولك مليآن ..

:

يحتوي على :
التقويم السنوي , خطة سنوية , خطة شهرية , خطة أسبوعية , ورق ملاحظات

خلينا نشوف نظرة عن قرب









Monthly plan ( الخطة الشهرية )

كل صفحة فيها شهر مقسمة لأسابيع .. تكتبي فيها مهام الأسبوع من اختبارات وطلعات .. مواعيد .. الخ

Weekly plan ( الخطة الأسبوعية )

الأسبوع مقسم لأيام .. وكل يوم تكتبين المهام اللي عليك مثل مانتوا شايفين في الصفحة الوردية ..
بعض النوت يكون معاها ستيكرز .. تحطينها عالمربعات








هذي النوت غير عن اللي فوق فيها Yearly plan ( خطة سنوية ) ..

هنا تكتبي أهداف كل شهر وايش تبي تنجزي فيهم .. الأقسام ممكن تختلف اختلاف بسيط بين وحدة والثانية ..

انتوا شايفين تاريخ الكالندر !! ههههههههه
هذا أول نوت اشتريه في حياتي قبل 9 سنين .. ومن العباطة خليته (تجراف) يكتبولي فيه الأبلات










هذا شكل ثالث ..
لاحظوا اني قاعده اغايركم .. ابيكم تشترونه







There's no time limit. Start whenever you want. You can change or stay the same.
There are no rules to this thing. We can make the best or the worst of it;
I hope you make the best of it. I hope so

بإمكاننا نتغير وبإمكاننا نبقى زي ما إحنا.. الوقت مو محدود نقدر نبدأ متى مانبغى
بإمكاننا نحقق الأفضل أو الأسوأ ..
وأتمنى انك تحققي الأفضل دايماً =)

:



آممم شاركوني آرائكم و تجاربكم مع ( الوقت , الجامعة , عنايتك ) ..
اتمنى الموضوع يكون غني بردودكم .. و لاتقتصروا على رد مختصر إذا ممكن =)


آمممم مآبى منكم غير دعوة صآدقة ..
نقلته لكم بلمساتي الخاصة
ريووومه

[حنان الرشيدي]

ريم الفلا /
الله يعطيك العافيه على هذا الموضوع القيم
و لا تخافين بالنسبة لطلابنا في المملكة
جاء في وقته اليوم أول إمتحانات المرحله
الجامعيه و السبت القادم تبدأ أمتحانات باقي
المراحل و ربي يوفقهم و يحقق لهم آمانيهم..
و ألف شكر لك ....

[ღريم الفلاღ]

اقتباس من مشاركة حنان الرشيدي ريم الفلا / الله يعطيك العافيه على هذا الموضوع القيم و لا تخافين بالنسبة لطلابنا في المملكة جاء في وقته اليوم أول إمتحانات المرحله الجامعيه و السبت القادم تبدأ أمتحانات باقي المراحل و ربي يوفقهم و يحقق لهم آمانيهم.. و ألف شكر لك ....

هلا وغلا باحلى حنوونه
ربي يعافيج ع المرور
منوره الموضوع بحضورج الحلو
مودتي لك

[زهو الايام]

رووووووعهX رووووووووعه
ماشاءالله ..موضوووع مميز حيل..ويتكلم عن كل شي,,حتى عن الاحاسيس الخاصه..لان بصراااحه عانيت من هالسوالف ايام الدراااسه..
وانا متاكده الكل راح يستفيد من هالموضوووع..
"
"
صج اللي يقووول من طووول الغيبات جاب الغنايم
تسلم يمينك ويسلم قلبك الطيب يا ريوووومه
"
"
الله يوفق الجميع بامتحاناتهم ودراااستهم

[ღريم الفلاღ]

اقتباس من مشاركة زهو الايام رووووووعهX رووووووووعه ماشاءالله ..موضوووع مميز حيل..ويتكلم عن كل شي,,حتى عن الاحاسيس الخاصه..لان بصراااحه عانيت من هالسوالف ايام الدراااسه.. وانا متاكده الكل راح يستفيد من هالموضوووع.. " " صج اللي يقووول من طووول الغيبات جاب الغنايم تسلم يمينك ويسلم قلبك الطيب يا ريوووومه " " الله يوفق الجميع بامتحاناتهم ودراااستهم

الرووعه طلتج يالغلاا
منووره قلبووو
الله لايحرمنا هالطله الحلوه
تحياتي لك