[المزيونهـ]

ترى وقتـي بلآ شوفك خساره


تذكرت الغياب اللي طواني
..............حرم قلبي وحطم لي كياني

تذكرته لو اني مانسيته
..............ولاظني حبيبي هو نساني




تفارقنا بحكم اللي حكمنا
..............ضروف الوقت واحكام الزماني

ألآ ياسعد عيني لو تشوفه
..............وتزيّن طلته حلو المكاني

وأضمه ضمة ٍ تبري خفوقي
..............من الحّره ومن شدة طعاني

عزفنا بحبنا صدق المشاعر
..............بعذب الشعر وألآ بالأغاني

بيوت الشعر في حبه تغنت
..............من الفرحه تردد في لساني

سألني مرة ٍ وش كثر احبه
..............وقلت اكثر من أعداد الثواني

ضحك وازدادت الفرحه بعينه
............وقال ..الله..وش كثري أعآآآني

جلس جنبي وقال احس قربك
..............براحة بال وإحساس بأماني


حضني وقال سمعني جديدك

..............أبيك تقولها بإحساس ثاني
وانا مدري وش إللي صار فيني
..............نسيت الكون يوم إنه حواني
وبعد ماطال صمتي قال روحي
..............أبيك اتقول لاتسكت عشاني
وقلت إن القصايد في وصوفك
..............توجب بالشعر سحر وبياني
في حبك لابغيت أكتب قصيده
..............تجي من صافي إحساسي وحناني
تبختر لـ أجل ترضي لك غرورك
..............بلهفة شوق وجزال المعاني
لو ان العمر يهدى لك هديه
..............أبهديك العمر والعمر فاني
ترى وقتـي بلآ شوفك خساره
..............سفينه تشتكي بعد المواني
وجات اللحظه الصعبه علينا
..............حكى ثم انتثر دمع وبكاني
صرخ ياتاج راسي ويش أسوي
..............لو إن البعد عن شوفك حداني
ترى قلبي معك خله أمانه
..............لو اني بالجسد غيرك خذاني
لطيف الروح زايد في جماله
..............يشاوره القمر تجلس مكاني ...؟
عليه عيون لاسلهم هدبها
..............رمت سهم ٍ فتك عوج المحاني
عيونه من نظرها طاح مرمي
..............ويكتب ياعرب ربي بلاني
جسدها من الأنوثه قد تشبع
..............بياض اللون والخد احمراني
وجديل ٍ لاإنسدل من فوق متنه
..............سواده لاانهمل ليلي غشاني
غزى حبه فؤادي واستحله
..............وطغى يالعنبو حيه سباني
وترك روحي بلآ وصله وحيده
..............وعذبها بلآ رحمه وتواني
اخذنا بالهوى سبعة سنين ٍ
..............من اللذه وتحنانه سقاني






وتفارقنا بحكم اللي حكمنا
..............ضروف الوقت واحكام الزماني

الموضوع الأصلي: ترى وقتي بلا شوفك خساره ... | | الكاتب: المزيونهـ | | المصدر: شبكة بني عبس

[احمد منيف]

صح الله لسـان شاعرها واندمجت معاها تسلمي ع النقل الطيب :)

[سحايب]

صح الســـان الشاعر

وسلمت يمناك على النقل

[خابت هقاويك]

صح السان مبدعها
وانتي الله لا يهينك

[المزيونهـ]

منورييين
يالغوااالي

[الفجواني]

روعه القصيده مشكووره المزيونه على هالطرح الرائع

[المزيونهـ]

منوريييين يالغوااالي

[نايف ابن عليثه]

المزيونه ويآزين آختيآرهآ

روعــه

/

سلمتي ..