[برد الطويلين]

بعد السلام
.
كانت في إرتجالية في وقتها الذي كتبت به
تلتمس مِنكم القبول ..
.

اتلمّس في دجى الظلما دهاليز الضمير =وأتدبّر وأتفّكر وألتفت قدم و ورا
واتكاثر ضيقة الخفاق والدرب العسير = واتحاشى عن هوى الغربي وأدورلي ذرا
وأتثاقل خطوتي والرجل يحداها المسير = للحبيب اللي نهض عزمه وعن عيني سرا
جيت له والليل دلقس في تعاريف الضرير = وازدريته في عيونٍ ما لقت حلو الكرا
ثم نشدته عن معاويق المُعذبْ والكسير =والغريب اللي توّلع واشلعت قلبه مرا
ليه دمعاته تهادت وأصبحت مثل الغدير =والهبايب من طربها تقبل وترجع ورا
وليه جسمه لاتناهض واصفقه لفح الهجير = شلهبت مجمل ضلوعه واشعمت فيه اجمرا
وليه حبك لا عرضله لاعب غصون الشعير = والغصون اليّا تدلت عاتبت عرق الثرا
المحبه سرمدية والهجر بئس المصير = والرشيدي من قهر صدك على وضعه زرا
لاتراخى في وصالك وألبس الثوب الحرير = ثوباً مرتب وضافي زاهي اللون اخضرا
مد وصلك وأحسن الهقوات واستاق البشير = وعل حايل عقب طيبه والخُبر شعري ترا

[/b][/font]
.
.
.
.
أستودعكم الله ..[/B][/CENTER][/SIZE]

الموضوع الأصلي: الرشيدي .. من قهر صدك على وضعه زرا ... برد الطويلين | | الكاتب: برد الطويلين | | المصدر: شبكة بني عبس

[سيار]

صح السانك دايم مبدع

[محمد الراشد]

وجدت الدفء الشعري بنصك
يابرد الطويلين

سجلي اعجابي بك

[برد الطويلين]

لي عوده ....

[مرتاحه دومز]

لاتراخى في وصالـك وألبـس الثـوب الحريـر ثوبـاً مرتـب وضافـي زاهــي الـلـون اخـضـرا


صح لسااانك قصييدتك اعجبتني
لاهنت

[راسبه بالحب]

صح السانك

كتبت فاابدعت ماشاء الله عليك

لاهنت

[أبو غيث]

المحبه سرمديه والهجر بئس المصير .... والرشيدي من قهر صدك على وضعه زرا

رائعه وأنت رائع

[طلال محمد ناهس]

صح لسااانك ولاهنت