[سيوف بني عبس]

قصيدة دنياك دنيا للشاعر متعب العتيبي من ضيّع احلام الطفولـه دفنهـا

من هو قتل فرحه يتيمه بالاعماق
هم البشـر والا الليـال وزمنهـا
والاالقدر مكتوب من فوق الاعناق
يالادمي دنيـاك تشكـي حزنهـا
وانته على درب الخطا دوم تـواق
دنياك دنيـا مابـه احـدٍ ضمنهـا
والنفس دايم للهوى حيل تنسـاق
راجع حساب النفس والنفس صنها
مكتوب ماسويت في ذيك الاوراق
به ساعةٍ فـي يـوم لابـد منهـا
يبكي عليك اقراب واحباب ورفاق
لاتخلـي الدنيـا تغفلّـك عنـهـا
مادام بك شدّه ولك قلـب خفـاق
ارض الولي واعمالك اليوم زنهـا
قدّام لاتلتف سـاقٍ علـى سـاق
واخذ من الدنيـا لنفسـك كفنهـا
تترك وراك اخوان وعيال وارزاق
منها خلقـك الله وفيهـا ومنهـا
ويوم النشور الكـل قـدام خـلاق
يما جنان الخلـد تسكـن وطنهـا
والا على نارٍ لها زفـر وشهـاق
ولاتفعل المنكـر وللنـاس تنهـا
عارٍ عليك وتعتبـر ميـزة نفـاق
وامك تراها امـك وحلـوٍ لبنهـا
اطلب رضاها قبل تنـدم وتنعـاق
واحفظ علوم اللي عليك اوتمنهـا
واذهن تصير لسر الاجواد بـوّاق
اعرف حدود النفس قيّـد رسنهـا
لاتصير في درب الخطا دوم سبّاق
والكذب خيبـه كـم فتنـه فتنهـا
بين البشر ونهاية الموقف فـراق
اخذ النصيحه مانبـا لـك ثمنهـا
يرجا بها وجه الولي خيـر رزاق

الموضوع الأصلي: قصيدة دنياك دنيا للشاعر متعب العتيبي؟؟؟ق:)ش | | الكاتب: سيوف بني عبس | | المصدر: شبكة بني عبس

[راسبه بالحب]

صح السان شاعرها ..


سلمت الايادي ..

[المشعل]

رائعه صح السان شاعرها ..
وصح ذوقك واختيارك
ولاهنتِ

[سحايب]

صح الســـان الشاعر
وسلمت يمناك على هالذائقه
لاهنتي سيوفه...........

[عيد الداموك]

صح لسان الشاعر
ونقل مميز

[سيوف بني عبس]

راسبه & المشعل &دمعه&عيد
اسعدني مروركم

[PILOT]

صح السانه

والله يعطيج العافيه على الاختيار المميز


؟

[سيوف بني عبس]

صح بدنك يايلوت
اسعدني مرورك