[سعد المظيبري]

السلام عليكم ورحمة الله وبركاتة.......

اليكم بعض هذة القصائد والقصص لنساء من البادية:

1-

هذه قصيده في القهوه وقيمتها عند العرب وكيف يتمثلون بها
لــ نوير بن شمران البلوية ..



واقلبي اللي به هواجيس ترعاه"
"من رعيهن ما يمرح الليـل لله
الله على فنجال وامقيسـا مـاه"
"واليا شربته تنتهـي كـل علـه
البن عند اهله تقهويـك ثنـواه"
"وعند الشوايا مايقهويـك كلـه
تقنع عن الشاوي ليا شفت مبناه"
"بيتـه كبيـر ولا يقيلـك ظلـه




2-
هذه قصيده لوحيشه المشلحيه من قبيلة شمر


أرسلت وحيشة المشلحيه الى ابن هذيل تستنجد به بعد ان رحل هو وجماعته حتى استقر بارض تسمى نقرة ايوب
وهي على مشارف الشام. وبعد رحيله طمعت بعض القبائل طمعت القبائل المجاوره في ديرة الشاعره
واحست الشاعره بالغبن والمذله بعد رحيل ابن هذيل
ويقال ان ابن هذيل مات قهر بعد سماعه للقصيده ورفض جماعته الرجوع معه لنجدت الشاعره لوفرة الرعي في نقرة ايوب


قالت وحيشه يـا ملاليـه ماشيـب
غرس الجدود اللي غدا وقت الافلاح
ياغيبة أبن هذيـل ياغيبـة الذيـب
شفنا النكاير والنكد عقـب مـاراح
ياراكب حمـرا تجيبـه تحاضيـب
تجدع يديهـا بالخـلا تقـل زنـاح
اربع ليال صـدق ماهـن تكاذيـب
تلفا ابـن هذيـل كسـاب الامـداح
قل ديرتك سقف ولتهـا الاجانيـب
روح عليها من الشعب كل مصلاح
تنخـاك ديـم ياذعـار الاجانيـب
ياعين قنـاص علـى مذلفـه راح
جانا ظعنهم مـع دبشهـم جناديـب
وصار الخطر منهم علينا بـالارواح
عجل علينـا ياحصـان الاطاليـب
لك هده تاخذ مع الخيـل مصـلاح





3-


يحكى ان بنت عقاب العواجي العنزي غزيه فقدت أهلها ولجأت الى عمها، وكان له ابن احبته، فسافر في طلب الرزق
مع صاحب له يدعى عيد فتغيبا مدة تقارب ثلاث سنوات ثم رجع صاحبه عيد وكان هناك رجل يرغب الزواج من هذه الفتاة
لكنه يعلم انها لن تقبله لحبها لابن عمها فقابل عيداً وقال له: لك عندي جمل إن أشعت ان ابن عم غزيه قد توفي.. لعلها
تتزوجني بعد ان تيأس منه فلبى عيد طلبه وأشاع الخبر ان صاحبه ابن عم غزيه قد مات فلما سمعت بالخبر أنشدت تقول:


تعززوا للـي عشيـره تنـوى
يم الشمال وحط حوران دونـه
اقفى وخـلا لـه يتيـم يلـوى
واليه عمـامٍ ليتهـم يرحمونـه
فات الربيع وعشب الاجراد لوى
واخانة الطرشان مـا يذكرونـه
يا عيد اسالك بالولي كيف سوى
هو ميت والا أهلـه يرتجونـه


الشاعرة نورة الهوشان وكانت تقطن في عين الصوينع في السر بنجد، وكان بينها وبين زوجها

اختلاف أدى الى طلاقها ومرت بزرعه، فتذكرت أيام ألفتها السالفة، وما حدث اخيراً من جفوة وطلاق فقالت:


يا عين هلي صافي الدمع هليـه
وإذا انتهى صافيه هاتي سريبـه
يا عين شوفي زرع خلك وراعيه
شوفي معاويده، وشوفي قليبـه
إن مرني بالدرب ما أقدر أحاكيه
مصيبـة يـا ويّ والله مصيبـة
اللي يبينا عيت النفـس تبغيـه
واللي نبي عجز البخت لا يجيبه



6-
الشاعرة وضحا تتغزل في معشوقها الذي كان ينزل بدار قريبه من دارها تقول:


البارحـة عـديـت بالمستقـلّـه
في راس مزموم طويل البياحـي
يا يوه عزينـي بـدا فـي خلّـه
سدي على بعض المخاليق باحـي
من يم قصر دويرج مدهـلٍ لّـه
غليـم ينقـل جديـد السلاحـي
أهلي مع أهله كلهـم فـدوةٍ لّـه
يفدونه الفرسان وأهل المناحـي
والله يا لولا الخوف وأدرى المذلّة
لحط له بيـن (......) مراحـي



7-
والشاعرة بخوت المرية وهي جدة الشاعره المعروفه الراسيه
فكانت تفضل بيت الشعر على بيت الطين وعيش البادية على عيش الحاضرة فتقول:


وجودي على بيت الشعر عقب بيت الطين
وجودي على شـوف المغاتيـر منثـره
وجودي على خوة هل الموتـر المقفيـن
وجودي على شوف السهل من ورا الحره
ليا حلوا البدوان وصاروا علـى بيتيـن
ومن كان لـه خـلٍ مـع ذاك مـا غـره





8-

وأخيراً نختم هذا العرض
بهذه المساجلة الشعرية بين الشاعرة مويضي وأختها بنّا التي تمدح زوجها وتنتقص زوج اختها مويضي


تقول بنّا:
شوقي غلب شوقك على هبة الريح
ومحصلٍ فخر الكـرم والشجاعـه
ركاب شوقي كـل يـومٍ مشاويـح
وإذا لفا صكـوا عليـه الجماعـه
يالبيض شومن للرجـال المفاليـح
لا تقربن راعي الردى والدناعـه


فأجابتها أختها مويضي بقولها:



ما هو بخافيني رجـال الشجاعـه
ودي بهم بس المناعيـر صلفيـن
اريـد منـدسٍ بوسـط الجماعـه
يرعى غنمهم والبهـم والبعاريـن
وإذا نزرتـه راح قلبـه رعاعـه
يقول يا هافي الحشا ويش تبغيـن
وان قلت له هات الحطب قال طاعه
وعجلٍ يجي بالقدر هو والمواعين
لو اضربه مشتـدةٍ فـي كراعـه
ما هو بشاكيني ولا الناس داريـن



ملاحظه _ انا اقول وين حريم قبل <<<< الله يا زمان طرالي

اتمنى ان تنال هذة المشاركة اعجابكم

الموضوع الأصلي: قصص وقصايد لنساء من الباديه | | الكاتب: سعد المظيبري | | المصدر: شبكة بني عبس

[سعد الشقل]

الله يعطيك العافيه على الموضوع الرائع

وفرق حريم اول والحين ههههههههههه