[عبدالرحمن العويمري]

بسم الله الرحمن الرحيم
السلام عليكم ورحمة الله وبركاته

اضع بين ايديكم هذه القصيده واتمنى ان تنال اعجابكم واستحسانكم

ابن ادم الطماع هذا نهاجه=لوتلبسه نجمه يبي يطلب التاج
يبغى بهالدنيا يعيش بمزاجه=لوراحته تزعج يبي يسبب ازعاج
وان ماحصل له شي عقد حجاجه=ويقول حظي ياعرب ليه منعاج
مايدري ان الروح مثل الزجاجه=وانه مفارق مابهاهرج هراج
يمر هالدنيا مرور العجاجه= وتمحاه ماكنه على وجهها داج
يابن آدم اترك هالجهل والسماجه=وخل القناعه بالقليل الك منهاج
تدري ان كل انسان طلاب حاجه=فلاتطلب الحاجه من انسان محتاج
ميز قراح الما وميز هماجه=لا تحسب ان شط البحر مثل هداج
وقلبك ترا معروف وش هو علاجه= طاعة من بحكمه يسيرن الامواج
بكتاب ربك والرسول ونهاجه=قلبك عقب ليل الدجا يصبح سراج
والحق من بينك وبينه مواجه=مهما بنيت حصون وقصور وابراج
غير اطلب الله كان ناقصك حاجه=الله هواللي معطين كل محتاج

وسلامتكم

عبدالرحمن سويلم

الموضوع الأصلي: ابـــــــن آدمـــ لـــعبدالرحمن سويلم....... | | الكاتب: عبدالرحمن العويمري | | المصدر: شبكة بني عبس

[احمد منيف]

صح الله لســــــــان شاعرها ومشكوره اخوي ع القصيده الطيبه

[كحيلة]

مـــيــــز قــــــــراح الــــمــــا ومــــيــــز هــمـــاجـــه لا تحسب ان شط البحر مثـل هـداج

صح الله لسانك..قصيدة طيبة بالحيل..
لاخلا ولاعدم..

[غيوض الرشيدي]

صح اللسانك ولا هنت

[عيد الداموك]

طرح مميز

تقبل مروري

[ابوريناد]

صح السانك كلمات اكثر من رائعه ..

[عبدالرحمن العويمري]

اقتباس من مشاركة احمد منيف صح الله لســــــــان شاعرها ومشكوره اخوي ع القصيده الطيبه

هلابك اخوي احمد واشكرك على المرور

[طاهر العرعري]

اشهد انك شاعر وجزل
وصح الله السانك ولاعدمناك