[فيصل الدلوم]

،،
،



قصيده كتبتها بالانتخابات السابقه
وجاروني عليها كثير من شعراء القبيله
أحببت أن أنشرها لكم عل وعسى أن تصل الرساله
لكل فرد من أفراد القبيله وأتمنى أن تثير الحماس وأن نلتزم بالأنتخابات القادمه
ونسأل الله التوفيق لجميع المرشحين



،،
،

أصواتكـم ياعزوتـي لايضيعـون=مدام صار الوضع فيـه إلتباسـي
الكرسي اللي راح وأنتم تشوفـون=موقف عليكم كان مـرن وقاسـي
تكاتفـوا ثـم إفزعـوا لاتغيبـون=بالفرز لايصبـح علينـا إنعكاسـي
نحتاج وقفتكـم مثـل ماتعرفـون=بالألتـزام وبالحضـور الحماسـي
واللي يبيكـم ياجماعـه تطيحـون=ياعبس ذكروا كل من كان ناسـي
ذكروا جميع الناس صاحي ومجنون=حنا ترى مثـل الجبـال الرواسـي
بقول أنا مثـل البشـر مايقولـون=يومن تعبت إمن الحكي وداخ راسي
ياعزوتي تكفون تكفـون تكفـون=من (الرشيدي) لاتضيع الكراسـي

فيصل الدلوم


لاتضيـع الكراسي شيلـه بصوت مطلق الراجحــي

http://www.uparab.com/files/5VI6VILZ3158DtYa.amr

ياصاحبي فيصل عقب ذيك وشلون=عقب الغزل تكتب قصيدن سياسي
الرابية غنت طواريـق ولحـون=نبي نوحدهـا بصفـن حماسـي

.محمد بن فارس

شفت البيوت اللي بها الشعر مازون=وقريتها واخـذت منهـا اقتباسـي
فيصـل يناديكـم وغيـره ينـادون=من بعد جربنـا وشفنـا المآسـي
تكفون ياللي فـي ندانـا توحـون=عن التكاتـف لايصيـر انعكاسـي
عن المبـادي والشيـم لاتخلـون=تفرح علينا الحاقديـن الخساسـي
ترى التجمع منه الاعداء يهابـون=وتفرقـه تـذل نـاسـن لنـاسـي
والله يوفكـم عـلـى ماتـسـوون=في جاه من با مره رسن الرواسـي

ناصر خنيفر الرشيدي

حنـا نتابعكـم عساكـم تفـوزون=برقم(ن) يحطم كل رقم(ن) قياسـي
وحنا لكم ياربعنـا قلـب وعيـون=اخوان لاكـن نختلـف بالجناسـي
وحنا لكم لاصـار دايـن ومديـون=سيف(ن) هواته تقطع الفين راسي
وانتم لنا درع(ن)عن النار وحصون=الكـل منابالمواجـيـب اسـاسـي

محمد سلمان الوهيداني

مـنـي لـكـم 99 ملـيـون=مابين دعوه وامنيات وحماسي
يافيصل الدلوم والكل مايهـون=الجمع عزن شامخ(ن) مايداسي
الله يحقق ماتبـون وتريـدون=افخر بكم وانتم ربوعي وناسي

فالح البريكان

يافيصل الدلوم تنخـا وينخـون=وانا معاك ونخوتك فوق راسـي
ياشاعراًً منك ولك الشعر موزون=هاذي حقيقه قلتها من احساسي
شهادتن ماهي باذاعة يقولـون=بالشعر لك باعن طويل المقاسي
يالله عساهم في ندانا يطيعـون=امن الرشيدي لا تضيع الكراسي

نجا مفلح الرشيدي

بكيت من ربعي وهم يتعـزون=وقف شعر جسمي ويهتز راسي
هل الظفاره يوم قامو يتحامون=ادري بهم مثل الجبال الرواسي

فواز فارس الدواي

يافيصل الدلوم بلهون بلهـون=تراالعزاوي عيفتنـي اللباسـي
حنا نتابعكم وحنـا ورى بـون=نسمع من الاخبار وفينا حماسي
نسمع من الاخبار عبر التلفون=ان الجماعه راكبين المراسـي
كان الخبر جانا وربعي يفوزون=والله لسوي زفت (ن) بالتكاسي

الموضوع الأصلي: من الرشيـدي لاتضيـع الكراســي..!؟ وبــصـــوت شـاعـرهـا | | الكاتب: فيصل الدلوم | | المصدر: شبكة بني عبس

[الـفتى الـرشيدي]

قدام

ولايطيح الرشيدي تكفون

ومايطيح اكيد مدام مثلك وشرواك موجود


لاهنت صح السسسسسسسانك وبوحك

[عبس404]

بكيت من ربعي وهم يتعـزون.. ..وقف شعر جسمي ويهتز راسي

هل الظفاره يوم قامو يتحامون.. ..ادري بهم مثل الجبال الرواسي

باذن الله الكراسي لرشايده يا بو ناصر

وصح لسان الشعراء الذين جاروك

وصح لسانك وياليت تسجلها بصوتك علشان ننشرها بالبلوتوث

ولك شكري الخاص يا العبسي

[ولــد خــلف]

حجــــــــز !!


ولي عوووووووووده

[فهد المويسه]

بيض الله وجهك يا بو ناصر

ماهي غريبه عليك الغيره على اسمه بني رشيد

وصح لسان الشعراء الذين جاروك

وصح الله االسانك

وبيض الله وجهيكم

وتقبل سلامي

[سالم الرشيدي]

بيض الله وجهك


وصح السنت الشعار


ومشكور وبيض الله وجهك

[مبارك الشويلع]

السلام عليكم


هلابك يالغلا

صح لسانك ولسان من جاراك مره اخرى

فقد ابدعتم وربي


والقصيده بالصوت موجوده عندي

وهي عباره عن شيله ونخوه عبسيـــه منك للجميـــع ومن أروع ماسمعت

وسأحاول بقدر المستطاع ان انزلها هنا بإذن الله

وأسأل الله التوفيق للجميــــــــع , آمين

[عريب المجنى]

صح لسانكـ

وفعلاا

ياعزوتي تكفون تكفـون تكفـون
من (الرشيدي) لاتضيـع الكراسـي

يعطيك الف عافيه على هالقصيده الحماسيه ولاهاانوا باقي الشعراء .