[العالم الفلكي]

بسم الله الرحمن الرحيم

السلام عليكم ورحمة الله وبركاته

هذه المحاروة بين الشاعر الحر النداوي والشاعر ابوعوجه

الحر النداوي

سلام رديـه لهـا فكـر ونظـر=يبرق لها البرق وتلج ارعودها
نسمع رطين الباخره وسط البحر=مدري ياابوعوجه تعرف أتقودها

ابوعوجه

يامرحبا وعداد همال المطر=باالطيبين اللي عريب جدودها
انا ترى ربانها جاك الخبـر=لالحقت الشعله على بارودها

الحر النداوي

هاك السنه يوم المسامه فالظهر=ورى رحولك ماتقيم اعضودها
نبانراقب كل مانمشـي شبـر=لاتلحق البندق على عبرودها

ابوعوجه

هاك السنه شلفاي في وسط النحر=ومن ذاقها ياصاحبي مايعودها
يموت هم اللـي يراقـب للبشـر=خل العباد معيشها معبودها

الحر النداوي

وراك ماحديتها بطـن وظهـر=حنا عرفنا نقصها من زودها
اللي يحلل دم عنـد المختبـر=يعرف فهيم الناس من مقرودها

ابوعوجه

اقفت وانا ماني بقصاص الاثـر=لو الذبيحه قطعت بجلودها
صحيح لكـن المصيبـه بالابـر=بعض العرب منها البلاء بكبودها

الحر النداوي

الـلـي لايامـنـه ورد شــرب وصـــدر=حبل الرشا مايتعبه معقودها
أظــن عـوجـان المـسـيـح المنـتـظـر=قامت قيامة ذيبها وافهودها

ابوعوجه

وش فايدة حط النصايب للقبـر=ان كان تفرق بيضها من سودها
الهند فيها اللي يعبـدون البقـر=وانته بهاذي صرت حول هنودها

الحر النداوي

بنشدك عن قصه لها صوت وصور=لن كان تعرف عبس يامولودها
التيس أبو قرنين ماسوم الوخـر=عبر البلوتوث أنشر مقصودها

ابوعوجه

خـل القـذاره تمـرح ابيـت الـقـذر=عين الحسود نحط فيها عودها
لاشفـت وجهـه مـاوراه الا الفـقـر=مثل الرحول اللي عزل مفرودها

الموضوع الأصلي: الحر النداوي + ابوعوجه | | الكاتب: العالم الفلكي | | المصدر: شبكة بني عبس

[الحر النداوي]

أشكرك جزيل الشكر يالعالم الفلكي على التنسيق

[شاعر الوطن]

صح اللسانك يالحر النداوي وابو عوجه

محاوره اكثر من رائعه من شعار غنين عن التعريف

[الحر النداوي]

اقتباس من مشاركة شاعر الوطن صح اللسانك يالحر النداوي وابو عوجه محاوره اكثر من رائعه من شعار غنين عن التعريف

صح بدنك يالقناص

مرورك أسعدني وشرفني طال عمرك

[العالم الفلكي]

مشكورين على المرور التعليق

[سهــــــــــيل]

صح لسانك يالحر النداوي وصح لسانك يا أبو عوجه

محاوره رائعه ونهايه طيبه

مشكور العالم الفلكي على التنسيق

[العالم الفلكي]

اقتباس من مشاركة سهــــــــــيل صح لسانك يالحر النداوي وصح لسانك يا أبو عوجه محاوره رائعه ونهايه طيبه مشكور العالم الفلكي على التنسيق

العفو ياسهيل وانت مشكور على المرور والتعليق

[مرشدالمظيبري]

صح اللسانك يالحر النداوي وابو عوجه

محاوره اكثر من رائعه من شعار غنين عن التعريف