[سعد الشقل]

شاعر فلسفه

سلام الله وبسم الله سـلام ٍ يظهـر النيـات=وانا شاعر وجيت الملعبـه ومصفـي النيـه
على حزب النصر نبدى نوجه صامل الظربات=واليامني ضربت الداب الأكبر تهجـع الحيـه

الاشقر

هلا يا مرحبابك بالنيابـه عـن هـل الوقفـات=تراحيب الوفـا منـي يـوم الله جابـك اهنيـه
على حزب النصر توقف على حيلك ترا هيهات=ترا غيرك تحصلهـا مـن ايديـه مـن ايديـه

شاعر فلسفه

يدوم ابك البقى ياللي ترحب واترك الزلات=مدامك نايب ٍ نعقد عليك عقـود مقريـه
ابدرج فوق راسك مبخر ٍ ياطيب الهقوات=مدام انك معانـا باللقـاء خـل الحراميـه

الاشقر

الا يا شاعر الي كل ما غنى جديد أبيـات=يغنيها وفي قلبه علـوم ن شبـه مخفيـه
تدرجها على راسي وانا برخي لك الميات=مدام انك تويجر والبضاعه ماهي عاديـه

شاعر فلسفه

بضاعتكم نفشناها تراها في زمان ٍ فات=لكن ان طعتني فل وتركد واستر الكيه
الا ياللي تحج ولا تكمل رميه الجمرات=معانا ماتحصل يافتى لـو ربـع ربيه

الاشقر

الا يا شعيل طافت وانتبه بالروحه والجيات=نشوف الحمل زاد اليوم ميه فوقهـا ميـه
الا ياليت ناصر يعطي امر ال قايد القوات=ولكن البلا قلبـه تحـت حكـم الهواويـه

شاعر فلسفه

اعديها على راسك ولكـن دور الفزعـات=عسى تلقى الذي يفزع معك يامنشف الطيه
الأشقر خالطه بأسمه كديش ٍ ينقل الثقلات=ولابه فرق مايمشي يكود انغزيه في شيـه

الاشقر

تدرجها عقب طافت عسى الله يرحم الاموات=بعد ما اخذت لك صـوره طبيعيـه وفنيـه
ترا الاشقر جبل شامخ يعرفونه هل الغزوات=ماهو مثلك شويعر وقفتـه مزنـات صيفيـه

شاعر فلسفه

الا ياللي تمدح نفسكم مالك مع الطولات=تسترها بمدحك باينه بحروف سطحيـه
تقول مصور الصوره عساك تميز الألات=وهي فوقك تلالا قصفها ضربات جويـه

الاشقر

ترا درب الصراحه صحيح ولا يدخله شكات=ماهو تاريخ ن امحرف في عقول ن جنونيه
يقولون الوسيلـه دايمـن اترقـع الغايـات=مدام انه علومك راحت لا هـذي ولا ذيـه

شاعر فلسفه

تواريخ الشرف النا تواريخ ٍ لها بصمـات=على عز ومعزه فوق وانت افعـال دونيـه
علومي واضحه وانته بلعت ببطنك الجمرات=ترفرف بس ماينهض جناحك نص متريـه

الاشقر

تواريخ الشرف الكم بها صفحه من الصفحات=عسى الله لا يغيرها مـن افكـار ن شبابيـه
علومك واضحه وصفا من المويه يابو الونات=تغنيها وحسبك مـن رجاجيـل ن شريطيـه

الموضوع الأصلي: شاعر فلسفه × الاشقر | | الكاتب: سعد الشقل | | المصدر: شبكة بني عبس

[الاكـحــل]

لا هنت يالشقل وبيض الله وجهك وص لسان الشعراء

بوت اعجبتني من الطرفين

فلسفه

الأشقر خالطه بأسمه كديش ٍ ينقل الثقلات::: ولابه فرق مايمشي يكود انغزيه في شيـه

الاشقر

ترا الاشقر جبل شامخ يعرفونه هل الغزوات ::: ماهو مثلك شويعر وقفتـه مزنـات صيفيـه

الاشقر

ترا درب الصراحه صحيح ولا يدخله شكات ::: ماهو تاريخ ن امحرف في عقول ن جنونيه

فلسفه

تقول مصور الصوره عساك تميز الألات ... وهي فوقك تلالا قصفها ضربات جويـه

تقبل مروري اخوووك : الاكحـــل

[الاشقر]

اشكرك على تنسيق المحاوره يالشقل

واشكر الاكحل وزميلي الشاعر شاعر فلسفه

[فلسفة شاعر]

سعد الشقل
الله يعطيك العافيه
على التنسيق وتسلم الأيادي

وصح بدنك يالأكحل واعجابك شرف

واشكر اخوي الكبير الأشقر

وبيض الله وجيهكم ووجيه المتابعين

[برق الوسم]

محاوره رائعه