[سعد الشقل]

شآعر طرطنقي

يوم صرح محيط البحر ماذا دهـاه=هرج فاضي لقيته ضمن ذيك الردود
كيف تحكم عليها وانت فيك اشتبـاه=لا تحكم القضيه دام مالـك وجـود

المحيط الهادي

صاحبك صاحب قول الصراحه خطاه=لو ماله مع البـدوان شـاه وقعـود
لاتعاند قـرار المحكمـة والقضـاة=روح يالمدعي حضر ثلاثـه شهـود

شآعر طرطنقي

أثر الاسقاط حيله بيحت لي خفاه=يدعي بالصراحه وفيه طبع اليهود
شيخك الي توفا طيب الله ثـراه=ماله الا الصباحيه ودون الحدود

المحيط الهادي

أنت رجل موصى لاتضيع الوصاه=الشجاعة تغذيها الحيل والجهـود
كل شيخ على قده لبس لـه عبـاه=لاتلبس صحيبك من بشوت الزيود

شآعر طرطنقي

الليالي تـدور ولا تـدوم الحيـاه=والجبل ثابت ن ماحركوه القرود
انت مثل القمر لو شع عالي سماه=واصل ن يم نوره لو بنيت السدود

الميط الهادي

أنت طرطنق ماأعرف خشته من قفاه=جيت من ديرة البنقال والا الهنـود
المواقف بعضهـا ماوراهـا غنـاه=يقطع الله نسلـك يالذلـول العـرود

شآعر طرطنقي

كاس شاهي منعنع لو زايد حلاه=اشربه من يمين الطيب الي يجود
هيه يلي تحسب الشعر لجنة زكاه=طافك اثنين يارجال كافي رقـود

المحيط الهادي

بس من يشرب الفنجـال تسلـم يـداه=وأنت يكفيك كوب الشاي الاسود وزود
تحسبنك نجيـت ولا حصلـك نجـاه=صرت في ساحة الميدان مثل الهبـود

شاعر طرطنقي

لغز (شيخك) و (نوره) جعل راسك فداه=هذي قصه قديمه من عصـور الجـدود
الطبيـب المعالـج لـو يعـالـج دواه=ليـت فـاد البليـد الـي بدمـه بـرود

المحيط الهادي

كل قصد (ن) ترانا نعرف الي وراه=لاتزيد الهروج اللي تعـل الكبـود
والله أنا ليا قمنـا طرحنـا الجنـاه=لو تجي فالبحر والا تجي فالنفـود

شاعر طرطنقي

فسر الي كتبتـه فسـر الـي نبـاه=والليالي تجارب وستفـد يالشـرود
انته اصغر من الارنب وسبق القطاه=ما تصيده الجموس ولا تصيده الفرود

المحيط الهادي

يبني السمر لكن وشو اللي بناه=حفنة الطين زلناها براس العمود
وأنت مثل الجمل لكن مالك لهاه=كل ما نضربك بالخيزرانه تهود

شاعر طرطنقي

خاسر المعركه دايم يرقع خطاه=خيلي يامخايل ورعدي يارعود
انت يالذيب يلي ماسمعنا عواه=استرح بالفيافي بعد فك القيـود

المحيط الهادي

أثرك اللي على ضهره تكسر عصاه=كل ماتكبر القالـة يخـون العهـود
بعد هذي تعودله تحـذف الحصـاه=وأنت توك صغير ولا تصد الحشود

الموضوع الأصلي: شاعر طرطنقي×المحيط الهادي | | الكاتب: سعد الشقل | | المصدر: شبكة بني عبس

[عبد العزيز]

مشكووور على التنسيق

محاوره جدا جميل

[بحــ الخليج ــر]

محاورة جميله صح السنت الشعار والله يالشاعر طرطنقي انك تخوف هجومك يحسب له الف حساب تقبلوا اعجابي

[راعي الشلفا]

سعد الشقل مشكور وماقصرت على تنسيق المحاوره وصح لسان المحيط الهادي ولسان طرطنقي


كاس شاهي منعنع لو زايد حلاه
اشربه من يمين الطيب الي يجود


يهب يالطرطنقي هذا ههههههههه يقول منعنع

[المحيط الهادي]

شكرا أخي سعد الشقل مشرفنا الميز \ على تنسيق المحاورة الذي يؤكد حياديتك ونقاء سريرتك .

دمت سالما ومعافا...

[ثامر بني عبس]

مشكوررررررررررررر اخوي سعد على الموضوع الجميل

[فهد المويسه]

مشكور على تنسيق هذا الطاروق الرائع

وصح لسان الشعراء

والله يعطيك العافيه

وتقبل سلامي

[رياح الشرق]

صح لسانهم وبيض الله وجهك على النقل