[بن عطا]

بسم الله الرحمن الرحيم

اولا مبارك عليكم الشهر الفضيل شهر الخير والبركه والرحمه

وثانيا ً حبيت اشارككم بمنتداكم العامر بأهله بدره وحكمه لشاعر غني عن التعريف

هذه القصيده للشاعر عوض بن خيران الكريباني العازمي وقد قالها الشاعر بالنائب مرزوق الحبيني عندما اتى للكويت بسبب تراكم الديون عليه وسجنه


هول الزمان يهول العقل ويهيل

هوله يهول وهولت الوقت هوله

يصفق وصفقاته بروس الرجاجيل
ولا هزت الصفقه شموخ الرجوله

أحدن تجيله صفقت الوقت بالحيل
وأحدن تجيله صفقته بالسهوله

عاق الضعون المقفيات المقابيل
وخوف عقولن صاحيه ومهبوله

من نكبته وحده تضيق المداخيل
ويشيب منها اللي بسن الطفوله

وأحدن عليه الميل وأحدن ولا ميل
وأحـدن لـك الله كل وقته مـيولـه

وبيني وبينه حطت الحمل والشيل
أنسف حـموله وأتقبل حـموله

ودارة بي الدوره من الجدي لسهيل
يدور من حولي وأنا أدور حوله

دورة شغب ماهي بدورة محاحيل
ومواقفي معها مواقف بطوله

عزقه لها مجهر وشاشه ودربيل
ونوبن مثاليه ونوبن زحوله

ويومن على سطح المزون المضاليل
ويومن تقضي وقتها بالدحوله

عجزت أصارعها وأنا مامعي حيل
والصدر ضاق وفزعت الله عجوله

وإن كانها ضاقت على الحال والحيل
وضاقت فيافي نجد عرضه وطوله

مرزوق أبزبن له وأنا ضيف ودخيل
اللي أحتمى طيبه وأخذ فيه جوله

مرزوق أبو هاني نداوي وحلحيل
قلته وقبلي من سمعته يقوله

والطيب واضح ما على الطيب تظليل
ويمنن عنه تقصر ويمنن تطوله

وليت الهموم أليا سرت بي مع الليل
تطشني بين الرجال الزحوله

مثلي ليا منه شكا الضيم والويل
يزبن على مثلك ليا طق جوله

من يوم خلق آدم وحوى وقابيل
الطيب هاك الوقت حزت وصوله

ولا الردي أسمه ردي حظ وبخيل
مغرور في نفسه وينفت بزوله

مافيه لا فزعه ولا له مداخيل
ويمناه من كل الجهات مغسوله

ويحلها الله من روس الحلاحيل
حملي وظرفي والدخيل وذلوله

الموضوع الأصلي: درر وحكم للشاعر عوض خيران الكريباني العازمي | | الكاتب: بن عطا | | المصدر: شبكة بني عبس

[بدر الرشيدي]

جزل ياعوض خيران الرشيدي

لاهنت ياأبو عطا

[بن عطا]

اقتباس من مشاركة بدر الرشيدي جزل ياعوض خيران الرشيدي لاهنت ياأبو عطا

ولا انت يالرشيدي

ويستاهل ابو سامي الكريباني

[سعد بن عادي]

بن عطا حياااك ....


وصح لسانك ولسان شاعرهاا

[عبدالباري عبدالعزيز]

عزالله انها قصيدة شاعر ماعلى شعره غبار
صح لسانه
ومشكور يابن عطا العازمي

[القزم]

عزالله انها قصيدة شاعر ماعلى شعره غبار
صح لسانه
ومشكور يابن عطا العازمي

[بن عطا]

اقتباس من مشاركة سعد بن عادي بن عطا حياااك .... وصح لسانك ولسان شاعرهاا

ابقاك الله يابن عادي

وصح بدنك ولسان شاعرها

[بن عطا]

اقتباس من مشاركة القزم عزالله انها قصيدة شاعر ماعلى شعره غبار صح لسانه ومشكور يابن عطا العازمي

القزم نورت الصفحه

وصح بدنك ولسان شاعرها