[السااااامر]

هذه القصيده لشاعر عبدالله باتل:

لاواهني النـاس تدلـه مـع النـاس= وانا عجزت القى مع النـاس ناسـي
انـا هواجيسـي ليـادك الادمــاس= علـيً دكـن مـع دكـاك الدماسـي
ما مر يـوم الا وبالقلـب هوجـاس= والله مادري كيف ما شـاب راسـي
باسباب محبوب(ن) من البيض حساس= ماشفت مثله فـي جميـع الجناسـي
خل(ن) بني حبه بقلبي علـى سـاس= ورسى كما ترسـي جبـال رواسـي
اسمه بقلبـي كاتبـه بيـن الاقـواس= اربع حروف(ن) حطم(ن) قلب قاسي
ابو عيون(ن) كنهـا عيـون قرنـاس= شاف ابرق الجنحان بيـن الهراسـي
لو مادرس بالمدرسه عدم الاجنـاس= زينـه وعقلـه مستـواه الـدراسـي
غبت بحر من طب في وسطها انحاس= اوصاب عقله مـن هـواه انتكاسـي
حبه تحول تالـي الوقـت وسـواس =لامدرك(ن) وصلـه ولانـي بناسـي
لو اقدر اصبر واقنع النفـس لابـاس= لكن عجز عن مقصد النفـس باسـي
دخلت مستشفى الروابع والاخمـاس= وكتبتله في قلبي اسـم(ن) خماسـي
واخذت انا ويـاه مـده بـلا ونـاس= وقبـل حلـول اهمومهـا والمآسـي
واندارت ايام السعـاده بـلا تعـاس= وكل(ن) شرب من مر فرقاه كاسـي
هو يحسبني طعـت عـاذل وبـلاس= وان زمانـي صـار فيـه انعكاسـي
ومن بعد هذا حال من بيننـا اليـاس= ولازال حبه هـو بـلاي الاساسـي

الموضوع الأصلي: لاواهني الناس تدله مع الناس | | الكاتب: السااااامر | | المصدر: شبكة بني عبس

[ابن اخزيم]

صح لسان الشاااااااعر

وسلمت عل النقل المميز والرائع

[السااااامر]

ابن خزيم وانت سالم وغانم

ياهلا وسهلا

[عويض بن شامان بن خلف]

صح لسان ابوباتل بحر شعر
ولاهنت السامر

[السااااامر]

الاخ عويض صح بدنك وحياك ربي

[مجرم زمانه]

صح لسان الشاااااااعر

وسلمت عل النقل المميز والرائع