[منادي الشوق]

الحب روحن يجذب انسان لنسان= وانا جذبتني فيك روح الموده
ماجيتلك وبخاطري يوم نسيان = جيتك وحبي واصلن فيك حده
اي والله احبك ومغرم ولهان=وقلبي لحبك كل شين يشده
الشوق والذكرى وبعدك والاحزان= والخافي اعظم لاتقولين بده
تدرين ودري يابعد كل فتان = ان الفراق ان طال ماحنا بقده
وانتي وش تقولين جيتك وشفقان = اسمع وش اللي ود قلبك يرده
ترى كلام القلب مايريد برهان= الشوق برهان القلوب الموده
وشوقك الي قبل الحكي صار عنوان= اعرف قلبك زايدن فيه وده
وماتحمل اشوفك بهالشوق غرقان= جيتك بقلبن وين ماتريد وده
قلبي معك وانت اله بالحب سلطان=صعبن عليه يروح وان راح رده

الموضوع الأصلي: الخافي اعظم | | الكاتب: منادي الشوق | | المصدر: شبكة بني عبس

[سعد الشقل]

صح اللسان شاعرها

وتسلم على نقل القصيده المميزه

[قمر]

قصيده جميله ,,

يعطيك الف عافيه على النقل الرائع ,,

تسلم يمناك ,,

[محمد دهيم ابن حماد]

السلام عليكم ورحمة الله وبركاته

ترى كلام القلب مااااااايريد برهان الشوق برهان القلوب الموده



الله عليك يااااااااا منادي شاااااعر اكثر من راااايع

وسجل اعجااااااااااااااااااااااابي