[بندرأبن طريف المظيبري]

كذاب لا بالله ستين كذاب
مكتوب في طلعة جبينك منافق .
. ياساكن عيني تحت رمش واهداب
حطمت احلامي وانا كنت عاشق .
. ليه التصنع وانت فالعين جذاب
ليه التكبر وانت فالقلب عالق .
. ياخي علامك وش حصلك من اسباب
خليت همي فوق راسي طوابق .
. من يومها شفت الغرابيل تنساب
وآخر همومي صار فالقلب مارق .
. كيف اسألك ماعاد تفتحلي ابواب
وانته لروحي صرت ذابح وشانق .
. في عالمي تايه من الزيف مرتاب
وان جيت ابا اشكي شفت انا الجو خانق .
. شخص شكى حاله خيانات واعتاب
وآخر يظن خله من الجيب سارق .
. صدفه لمحتك تغرس افقلبي الناب
شفتك بعيني والمصايب ترافق .
. اقبح من اعذارك وتلويحة الشاب
تلويحتك ياللي غدت كالصواعق .
. شيبت راسي بعد ماصرت لعاب
ذنبك على جنبك مدامك موافق .
. ياما نصحتك قلتلك خلنا اصحاب
خلي غرورك والتكبر عوايق .
. نامت عيوني بعد ماانهارت اعصاب
ثورة جنوني بالتزاحم تضايق .
. لو يترك الديان حقه بلا احساب
او يترك القبطان مركبه غارق .
. او يترك الشاعر من اقلامه اكتاب
او يترك الرسام لوحة تعانق .
. او يصبح المقرود في شرعة الغاب
ريس على أنف الاسد والمخالق .
. ما اترك انا مبداي ياحفنة اتراب
طبعي كذا ماهو برسمة بطايق .
. واليوم ترجعلي بعد فترة اغياب
ماكني افيومن شكيت المفارق .
. شفتك على بابي ولك وجه منصاب
مكسوف خدك صار شاحب وعارق .
. ياخي علامك جيت مابيك كذاب
ماينعرف كذبك ولو كنت صادق .

الموضوع الأصلي: قصيدة ستين كذاب | | الكاتب: بندرأبن طريف المظيبري | | المصدر: شبكة بني عبس

[السااااامر]

صح السانك والسان شاعرها جزله من جزل

لاهنت على اختيارك الطيب