[محمد الهبله]

وزارة الكهـربـا والـمـاي

يا حـظ مـن وظفـوا فيهـا

فيها غزال ٍ تجيـب اقصـاي

لـو عشـت مانـي بناسيهـا

أجي وأجيـب العـذر ويـاي

ومراجـعـاتـي مـوديـهـا

تقول : وشفيك رايح جاي .. ؟

معـامـلاتـك بمـشـيـهـا

وشلـون بيتـك بليـا مـاي

عيشتـك يـا شيـن طاريهـا

والكهربا حدها ( جـولاي * )

من عقبهـا .. منـت لاقيهـا

وأقول نـورك علـي أعمـاي

حتـى المـنـازل يضويـهـا

ما ضيفتني .. وتشرب شـاي

وأنـا المشاريـه مـا بيهـا

تقول من كثر ما هـي هـاي

مـا عنـدهـا إلا عوانيـهـا

ما تشبـه إلا نعيمـه الحـاي

فـي ضحكهـا وبحكاويـهـا

إليا حكت كـن تعـزف نـاي

مـا شفـت منهـو يحاليهـا

وإن شحت الكهربـا والمـاي

أفـرح علـشـان ألاقيـهـا

الموضوع الأصلي: وزارة الكهربا والماي ~ ~ ~ يا حظ من وظفوا فيها | | الكاتب: محمد الهبله | | المصدر: شبكة بني عبس

[سعد بن عادي]

الله الله
يا محمد

قصيده رائعه وحضوور أروع ..


صح الله لساانك ملايين .

[ناصر الرشيدي]

صح لسانك
محمد شعرك قريب من القلب
يشبهك في نقائه وقربه من قلبي
سعيد بتواجدك هنا فأنت شاعر رائع واخ عزيز
اسأل الله لك التوفيق

[سيوف بني عبس]

صح لساااااانك والله يوفقك

[محمد الهبله]

سعد بن عادي

شرفني مرورك
وصح بدنك

[الموج الازرق]

ما ضيفتني .. وتشرب شـاي

وأنـا المشاريـه مـا بيهـا

[محمد الهبله]

ناصر الرشيدي

اسعدتني رؤيتك بعد غياب
واسعدني حضورك وكلامك
مشتاقين لك

والف صح بدنك

[فـارس الحـرف]

ههههههههههه

صح لسانك

عملني وين المكان :)