[أبو فايز العويمري]

أخواني الكرام هذي القصيده للشاعر/عبدالله بن نايف بن عون الروقي آمل ان تنال اعجابكم

يامل قلبن يسج وفيه دولاجه = من هاجسآ بالضماير قام يدرجها
في معزلن عن جميع الخلق وازعاجه= ماسمع من الناس لو تكثر لجالجها
ماغير أهوجس تقول مضيع حاجه= وأخذ وسند على روحي وأهرجها
وأدوج لوكان مارجلي بدواجه= أدله النفس لين الله يفرجها
يالله ياللي بيدك الضيق وافراجه= ياخالق الخلق ياقاضي حوايجها
تفرج العينآ اليانامت بسوهاجه= دكة عليها الطواري لين تزعجها
وبالصدر ضيقه ونوم العين هملاجه= وعيني من العام والسهر امتولجها
نوبآ سهرها شديد ونوب نهاجه= ونوبآ تكن الدموع ونوب تزعجها
عليك ياللي بقلبي كن وهاجه= وهاج نارآ هواء الغربي يسارجها
يابو ثمان تشاد اللؤلؤ العاجه= كن البرد يوم تضحك في مفالجها
قلبن يناجيك بسلوم الهواء ناجه= يشكي لك الحال داخلها وخارجها
أما التفت له وتم الوصل بمواجه= وألا بلا عشرتن هذاي نتايجها
وش ينفعك من حنين القلب واخلاجه= واجروحي اسبابها أنت ولاتعالجها

الموضوع الأصلي: اجروحي اسبابها أنت ولاتعالجها | | الكاتب: أبو فايز العويمري | | المصدر: شبكة بني عبس

[عبيد الله دعيع]

أبو فايز الله يعطيك مليون عافية على نقل هذه القصيدة الرائعة وصح لسان شاعرها الكبير/عبدالله بن عون العتيبي تحياتي لك يالغالي

[عبد العزيز]

قصيدة غنيه عن التعريف صح لسان شاعرها

وتسلم على النقل الرائع

[ابو عبدالعزيز]

تـفـرج العيـنـآ اليانـامـت بسـوهـاجـه
دكـة عليهـا الطـواري لـيـن تزعجـهـا

يـابـو ثـمـان تـشـاد اللـؤلـؤ الـعـاجـه
كـن البـرد يـوم تضحـك فـي مفالجهـا

[ابو عبدالعزيز]

شكراً لك اخي الكريم

[أبو فايز العويمري]

اقتباس من مشاركة *الخيال* أبو فايز الله يعطيك مليون عافية على نقل هذه القصيدة الرائعة وصح لسان شاعرها الكبير/عبدالله بن عون العتيبي تحياتي لك يالغالي

الاخ محلل لالغاز الخيال شاكر ومقدر مرورك

[أبو فايز العويمري]

اقتباس من مشاركة عبدالعزيزعايض قصيدة غنيه عن التعريف صح لسان شاعرها وتسلم على النقل الرائع

الاخ مشرف المنتدى العام عبد العزيز عايض شاكر ومقدر مرورك ولك تحياتي

[مسندالعويمري]

قصيدة غنيه عن التعريف صح لسان شاعرها

وتسلم على النقل الرائع