[بركه الداموكي]

بسم الله الرحمن الرحيم

الحمدلله والصلاة والسلام على رسول الله وعلى آله وصحبه أجمعين اما بعد


اعضاء وزوار الشبكه الكرام


السلام عليكم ورحمة الله وبركاته

يسرنا ان نعلن لكم انطلاق مسابقة اجمل قصيدة في وصف البادية وهيا خاصه لشعار الشبكه

االمسابقة عباره عن عدد من الابيات يخص موضوع معين يتعلق بالباديه

نذكر لكم امثله في الوصف
الشاعر راشد العرق يقول

ياعاشقين خيار سـود المجاهيـم=نبغـي نوصفهـا لمنهـو جهلهـا
كبار الجروم وضافيات الخراطيـم=اللي بعض ميزاتهـا مـن فحلهـا

هذي قصيدة في وصف الابل شاعر حبيّب حمد الخالدي

يازين لا روحت وانحـت جناديبـي = من عقب شده وضو البيـت تجذبهـا
يازيـن خلفـه تعيـوال الملاهيبـي = خلفٍ مصاغيـر حيرانهـا تعاقبهـا
وان وقف اللقح من بنـي الاطانيبـي = حيرانهـا والشـذا مزيـن تليعبهـا
تمت بذكر الله اللـي يعلـم الغيبـي = عدة نجـومٍ تناحـت فـي مغايبهـا

وهذي في وصف الطير

ياما حـلا عقـب المـراح المغابيـش = وانا معي عطـب المضاريـب شـواش
أفجع قصير السـاق جثـل المناويـش= مستدرج عـار مـن الريـش هـواش
كنـه منقـش بالجنيـهـات تنقـيـش=صدره عريض وراسه ابيض من الشاش
راكد ماهـو مـن الطيـور المرابيـش=عيبه صدوق الطلـع ماهـوب غشـاش

وهذي في وصف الخيل

خيل ٍأصيله من زمن / لازال تذكـره الرجـالأمثال = عاهلنا حمـد / اللـي مسـك بعنانهـا
خيلٍ سلالتها بقـت / مستاهلـه كـل الـدلال= من شوخ في حب الرمك /تتبع نهج شيبانهـا
خيل العرب فيها الفنس / أبدا ولا مثله محـال = وقل اللحم فـي وجههـا / مرجـح ٍ ميزانهـا
وسيعة الجبهه نعم / وفي وصفها ايضاً يقـال = دق الاذنين وطولها /ويـا انتصـاب أذانهـا
وكمل جمال الناصية / ذيك المعاريف الطـوال = خلت حروفي السامية/ تشهد علـى هيمانهـا
وعروق في خد الفرس/ تشده لها مليون بـال = صقيلة الخد الجميـل / تفـوق بـه اقرانهـا

علماً ان وقت انتها المسابقة ثلاث اسابيع بدايةً من أول مشاركه

مع تمنياتى للجميع بالتوفيق

الموضوع الأصلي: مسابقة قصيدة المنتدى لوصف الابل والخيل والصقور والقنص | | الكاتب: بركه الداموكي | | المصدر: شبكة بني عبس

[الشامخ]

بالتوفيق لجميع المشاركين بهذي المسابقه الرائعه

[سعد الرشيدي]

كل الشكر لك والتقدير اخوي

بركة الداموكي

على هذه المسابقة الرائعه

[مبارك الشويلع]

وعليكم السلام ورحمة الله وبركاته

بارك الله فيك اخي الفاضل والمشرف النشط

بركه الداموك

على هذه المسابقه الطيبه

وأسأل الله للشعراء بالتوفيق والسداد ,, آمين يارب

واسمحلي بتنسيق الموضوع مره اخرى من بعد اذنك طبعاً

وفقكم الله

[الولد العبسي]

الله يوفق الجميع

بركه الداموكي مشكوور على المسابقه
ويعطيك العافيه

[خالد العويمري]

بركه الداموكي مشكوور على المسابقه
ويعطيك العافيه

[القزم]

و عليكم السلام ورحمة الله وبركاته

اخوي / بركه الداموكي



دائماً متميز وهذا دليل ايضاً على تميزك

ومسابقه تختص في وصف الباديه و ما إلى ذالك


اجده بــ نسبه إلي مسابقه رائعه وراح تلقاء نجاحاً مؤكد

و راح تكون المنافس قويه جداً لانهم اكثر الشاعر الموجودين
يتمتعون بروح البادوه الأصيله و ستكون منافسه شريفه بأذن لله



واخير اتنمى التووفيق للجميــــــــــــــــــــع






دومتم كما تحبووووووون .

[زوبعة فكر]

اتمني اني شاعر ولكن للأسف


الله يوووووووووووووفقهم